Aımaqtar • 09 Naýryz, 2021

Shymkent ákimi asyl tuqymdy mal sharýashylyǵyn damytyp otyrǵan qojalyqtyń jumysymen tanysty

42 ret kórsetildi

Shymkentte turǵyndardy sapaly tabıǵı ónimdermen qamtamasyz etýde sharýa qojalyqtarynyń úlesi zor. Solardyń biri - Eńbekshi aýdany, Abdýllabad turǵyn alabynda ornalasqan «Zertas» sharýa qojalyǵynyń taýarly sút fermasy. Ferma aýyl sharýashylyǵy salasyndaǵy taýar óniminderin arttyrý baǵytynda jumys istep keledi, dep habarlaıdy Egemen.kz.

Atalǵan sharýaqojalyq jumysymen tanysý maqsatynda Shymkent qalasynyń ákimi Murat Áıtenov arnaıy Abdýllabad turǵyn alabyna bardy.

Asyl tuqymdy sút baǵytyndaǵy sharýashylyq 2019 jyly eń aldymen Avstrııadan 128 bas sútti-etti baǵyttaǵy asyl tuqymdy (Sımmental) sıyrlardy alyp kelip, óz jumysyn bastaǵan. Búgingi tańda sharýashylyqta jalpy iri qara mal basynyń sany 317-ge jetip, onyń ishinde sútti baǵyttaǵy sıyrlardyń sany 161 basty qurap otyr.

Jalpy aýmaǵy 2,2 gektardy quraıtyn sharýa qojalylyǵynda zamanaýı «Parallel» saýý qondyrǵysy, sútti jınaýǵa arnalǵan salqyndatqysh tanker sekildi ınnovasııalyq texnologııalar jáne sıyrlardy turaqty ustaý, asyl tuqymdy buzaýlardy ósirý aımaqtary bar. Budan bólek, mal azyǵyn daıyndaýǵa arnalǵan arnaıy qurylǵylarmen, aýyl sharýashylyq tehnıkalarymen qamtylǵan. Munda ár bastan táýligine ortasha eseppen 22 lıtr sút alynyp, jylyna óndiriletin súttiń kólemi 1000 tonnadan asady.

О́ndirilgen sıyr sútine jáne satyp alǵan jemdik azyqtyń qunyna «Asyl tuqymdy mal sharýashylyǵyn damytýdy, mal sharýashylyǵynyń ónimdiligi men ónim sapasyn arttyrýdy sýbsıdııalaý» baǵdarlamasymen byltyr 15,4 mln teńge sýbsıdııa bólinip, memlekettik qoldaý kórsetilgen.

Bıyl asyl tuqymdy mal basyn arttyryp, 350 mıllıon teńge kóleminde ınvestısııa tartý kózdelip otyr.

- Taza sútke suranys únemi joǵary. Sút, et – turǵyndardyń basty azyǵy. Qala halqyn aýylsharýashylyq ónimderimen tolyǵymen ózimiz qamtýymyz kerek. Memleket qoldaýy jyldan-jylǵa artyp keledi. Múmkindikti durys paıdalaný arqyly, sharýaqojalyqty úlken mekemege aınaldyrýǵa bolady. Bul baǵytta jumystaryńyzdy toqtatpańyzdar, - dedi shahar basshysy.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar