Vıdeoda aıaq kıimdegi áıeldiń qurtty aıaqqpen taptap, ábden ezgilep jatqany sáti túsirilgen. Ádette irkitti qaınatqan soń qurt ezbesi daıyn bolady. Ony belgili bir pishinde qatyrý úshin tuz qosyp, jaqsylap aralastyrý qajet. Ondaı jumystar arnaıy jerde, ári taza quraldarmen jasalynady. Al vıdeodaǵy áıel mundaı talaptardyń birin de saqtamaǵan.
Taǵy bir vıdeoda birneshe adamnyń antısanıtarlyq jaǵdaıda edende qurt daıyndap jatqanyn kórýge bolady. Bul vıdeolar áleýmettik jelilerde tez tarady jáne kórermender arasynda narazylyq týdyrdy.
STV habarlaǵandaı, oqıǵa О́zbekstannyń Samarqand oblysynda bolǵan.
Vıdeo jarııalanǵan soń Sevimli arnasy qurt daıyndalǵan jerdi taýyp alyp, arnaıy reportaj ázirlegen. Vıdeodaǵy áreketter Samarqand oblysynyń Ishtyhan aýdanynyń mahallalarynyń birinde bolǵany anyqtaldy. Olar qurtty istep, О́zbekstan bazarlaryna satýmen aınalysyp kelgen.
Keıin SES qyzmetkerleri normalar saqtalmaǵan jaǵdaıda daıyndalǵan qurttyń búkil partııasyn joıdy.
