Aımaqtar • 13 Naýryz, 2021

Qaraǵandy oblysynda 348 kenshi órtten qutqaryldy

236 ret kórsetildi

Qaraǵandy oblysyndaǵy Saran shahtasynda, naqtyraq aıtqanda 500 metr tereńdikte órt boldy, dep habarlaıdy Egemen.kz «ArselorMıttal Temirtaý»  kompanııasynyń baspasóz qyzmetine silteme jasap.

Apatty jaǵdaı bolǵan kezde jer astynda 348 kenshi jumys istep júrgen. Der kezinde qabyldanǵan qutqarý sharalarynyń arqasynda olardyń bári jer betine aman-esen shyǵarylyp, tótenshe oqıǵaǵanyń qaıǵyly jaǵdaıǵa ulasýyna jol berilmedi.

TJM óndiristik qaýipsizdik komıtetiniń Qaraǵandy oblysy boıynsha departamenti dırektorynyń orynbasary Keńgirbaı Eseneev apattyń eki jaǵdaıda bolýy múmkin ekenin aıtady. Onyń birinshisi endogendi órt. Iаǵnı ol  kómirdiń ózdiginen tutanýynan paıda bolady. Al ekinshisi – ekzogendik órt.  Bul jerde ot syrtqy faktorlardyń áser etýi saldarynan shyǵýy múmkin.

Qazirgi kezde arnaıy komıssııa qurylyp, apattyń saldaryn joıý jáne onyń shyǵý sebepterin anyqtaý jumystary júrgizilip jatyr.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar