Eki kúnge sozylǵan báseke 2008-2009 jylǵy balalar men 2006-2007 jylǵy jasóspirimder arasynda ótti.
Jalpykomandalyq esepte Nur-Sultan qalasynyń quramasy 15 altyn, 11 kúmis jáne 16 qola júldemen el kýbogyn jeńip aldy.
Ekinshi orynda – Almaty oblysynyń sportshylary. Jetisýlyqtardyń qorjynynda 10 altyn, 6 kúmis, 14 qola júlde.
Al Mańǵystaý oblysy 7 altyn, 7 kúmis, 9 qola júldemen úzdik úshtikti qorytyndylady.
Qazaqstan grepplıng qaýymdastyǵynyń prezıdenti Qanat Alınniń aıtýynsha bul jarys – Qazaqstan grepplıng qaýymdastyǵynyń bıylǵy alǵashqy dodasy.
«Bul jarys aldyn ala irikteý týrnıri. Osy jyldyń sáýir aıynyń sońynda Qaraǵandy qalasynda Qazaqstan chempıonaty ótedi, ol da álem chempıonatyna irikteý jarystarynyń aıasynda uıymdastyrylady. Jalpy búgingi jarysta sportshylardyń daıyndyq deńgeıi óte jaqsy», dedi Qanat Alın óz sózinde.
