«Taǵy bir másele – ol qashyqtan oqytý tetikterin jetildirý. Pandemııa aıaqtalǵannan keıin ýnıversıtetter, kolledjder men mektepterde qaı mólsherde jáne qandaı jaǵdaıda qashyqtan oqytý tetigin damytamyz degen óte mańyzdy suraq bolyp tur», deıdi mınıstr.
Ashat Aımaǵambetovtyń aıtýynsha, talqyǵa túsken máseleler kún tártibinde pysyqtalyp jatyr.
«Qazirgi kezde birte-birte mektepter ashylyp jatyr. Desek te qıyn mindet mektepterdi jaýyp, osyndaı qashyqtan oqytýǵa kóshirý emes, ıaǵnı, kerisinshe, endi qashyqtan oqytý formatynan dástúrli formatqa kóshirý qıyn jumys bolady. Sondyqtan osy máseleni jan-jaqty qarastyryp, tıisti jumysta atqarýymyz kerek», dedi A. Aımaǵambetov.
Mınıstr tilge tıek etkendeı, bul baǵytta mınıstrlik arnaıy baǵdarlama ázirlenip daıyndaldy.
