Oqıǵa • 25 Naýryz, 2021

Naýryz merekesine oraı quttyqtaýlar

7 ret kórsetildi

Qasym-Jomart Toqaevtyń atyna Naýryz merekesine oraı shet memleketterdiń basshylarynan jáne halyqaralyq uıymdardyń jetekshilerinen quttyqtaý hattar men jedelhattar kelip túsýde, dep habarlady Akorda.kz.

QHR Tóraǵasy Sı Szınpın óziniń quttyqtaý jedelhatynda Qytaı men Qazaqstan yn­tymaqtastyqtyń ártúrli sala­synda tabysty nátıjelerge qol jetkizgenin jáne bul eki memlekettiń halyqtaryna zor paıda ákelgenin jazǵan.  Son­daı-aq Sı Szınpın kele­si jyly eki el de ózara or­nat­qan dıplo­ma­tııalyq qatynas­tary­nyń 30 jyl­dyǵyn atap óte­tinine toqtalyp, qytaı-qazaq qatynastaryn jańa deńgeıge kóterý maqsatynda stra­tegııa­lyq sabaqtastyqty odan ári qoldap, tereńdetýdiń ma­ńyzdy ekenin aıtqan.

«Men qytaı-qazaq qatynas­taryn damytýǵa basa mán bere­min. Sizben birge Qytaı men Qazaq­­stan arasyndaǵy dástúrli dos­tyqty nyǵaıtyp, eki el men olar­dyń halyqtarynyń ıgi­ligi jolyn­daǵy ózara tıimdi yntymaqtas­tyqty tereńdetý úshin kúsh ju­myldyrýǵa daıynmyn», delin­gen QHR Tóraǵasy­nyń jedelhatynda.   

О́zbekstan Prezıdenti Shav­kat Mırzııoev quttyqtaý hatynda eki el aldaǵy ýaqytta О́zbek­stan men Qazaqstan arasyn­­daǵy turaqty damyp kele jat­­qan óz­ara strategııalyq seriktes­tik­ti keńeıte alatynyna jáne dostas eki halyqqa ortaq múddeni kózdeıtin óte jaqsy nátıjelerge qol jetkizetinine senim bildirgen.

Qyrǵyzstan Prezıdenti Sadyr Japarov Qazaqstan men Qyrǵyzstan arasyndaǵy baýyr­lastyq qatynastar men ózara tıimdi yntymaqtastyqtyń tatý kórshilik, strategııalyq serik­tes­tik pen odaqtastyq negi­zinde eki halyqtyń múddelerin kóz­deı otyryp, odan ári nyǵ­aıatyny jáne damıtyny jóninde jazǵan.

Tájikstan Prezıdenti Emo­malı Rahmon óz quttyq­taýynda eki memleket arasyndaǵy óza­ra tıimdi yntymaqtastyqqa ba­ǵyt­talǵan qarym-qatynastar qas­terli Naýryzdyń máńgilik dás­túri negizinde qaryshtap damyp, ke­ńe­ıip, jańa mán-mazmunmen te­reń­deı beretinine senim bildirgen.

Túrikmenstan Prezıdenti Gýrbangýly Berdimuhamedov jedelhatynda Qasym-Jomart Toqaevqa jáne baýyrlas Qazaq­stan halqyna baqyt, shattyq jáne jańa tabys tilegen.

Ázerbaıjan Prezıdenti Il­ham Álıevtiń joldaǵan quttyqtaý hatynda Ázerbaıjan men Qazaqstan ara­syndaǵy qarym-qatynastar Naýryz qundylyqtaryn óte qatty qasterleı­tin halyqtarymyzdyń erik-jigeriniń arqasynda keńeıip, nyǵaıa beredi dep sene­min delingen.

Armenııa Prezıdenti Armen Sarkısıan berik dostyq pen ózara túsinis­tikke negizdelgen Armenııa men Qazaq­stan­nyń  jan-jaqty qatynastary dáıekti túrde odan ári damı beretinine senim bildirgen.

Iran Prezıdenti Hasan Rýhanı óziniń jedelhatynda Naýryz eki memlekettiń halyqtary úshin jańa múmkindikterge jol ashyp, álemniń barlyq eline qýanysh, ıgilik, tynyshtyq ákeledi dep úmittenetinin aıtqan.

Izraıl Prezıdenti Reýven Rıvlın­niń jedelhatynda Naýryz ben Pasha merekelerin toılaý sııaqty babalary­myzdyń ejelgi dástúrleri eki eldi ja­qyndastyrady jáne ekijaqty qarym-qatynastardy nyǵaıtýdyń berik negizi bolady dep jazylǵan.

Aýǵanstan Prezıdenti Ashraf Ǵanı Naýryz merekesimen quttyqtaı otyryp, dostyq qatynastardy, birlik pen ekonomıkalyq ósimdi qoldaýǵa baǵyttalǵan iri aımaqtyq baǵdarlamalar men jobalar aıasyndaǵy yntymaqtastyqty odan ári damytýǵa nıetti ekenin naqtylaǵan.

Palestına Prezıdenti Mahmýd Abbas Qasym-Jomart Toqaevqa zor densaýlyq, baqyt tilep, baýyrlas Qazaqstan halqynyń berekesi artyp, ósip-órkendeı berýine nıettestik bildirgen.

Shanhaı yntymaqtastyq uıymy­nyń Bas hatshysy Vladımır Norovtyń jedelhatynda kún men tún teńeletin kóktem merekesiniń adam men tabıǵat arasyndaǵy ózara úılesimge yqpal etip, dostyq pen yntymaqtastyqtyń altyn kópiri bolatyny, sondaı-aq mádenıetter men órkenıetter dıalogyn baıytyp, damytatyny, qaýipsiz ári gúldengen bolashaq qalyptastyrýǵa septigin tıgizetini, onyń «Shanhaı rýhy» qaǵıdattaryna tolyq saı keletini aıtylǵan.

Ujymdyq qaýipsizdik shart uıy­­my­nyń Bas hatshysy Stanıslav Zas Qazaq­stannyń UQShU aıasyndaǵy odaq­tas­tyq is-qımyldar mehanızmin nyǵaı­­týǵa, Ujymdyq qaýipsizdik shart uıy­myna mú­she memleketterdiń halyq­ara­lyq jáne óńir­lik alańdardaǵy kúsh-ji­gerin úılestirýge qosqan eleýli úlesin atap ótken.

TMD Dinaralyq keńesiniń Teńtóraǵa­sy Kavkaz musylmandary basqarma­synyń Tóraǵasy Sheıh-ýl-ıslam Allah­shúkir Pasha-Zadeniń jedelhatynda Naýryz merekesi Alla taǵalanyń bizge bergen nyǵmeti jáne tabıǵat pen tir­shi­liktiń qaıta túlep, kóktemgi kún men tún­niń teńeletin qýanyshty sáti ekeni aı­tyl­ǵan. Sondaı-aq ol árbir otbasyna beı­bit­shilik, qut-bereke tilep,  barsha Qazaq­stan halqynyń ósip-órkendeı berýine nıettestik bildirgen.

 

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar