Aımaqtar • 01 Sáýir, 2021

«Bekire» balyq qorǵaý aksııasyna qaı ınspeksııa bekitildi?

38 ret kórsetildi

1 sáýirden bastap Qazaqstannyń batysynda keń aýqymdy «Bekire» balyq qorǵaý aksııasy bastaldy, dep habarlaıdy Egemen.kz Ekologııa, geologııa jáne tabıǵı resýrstar mınıstrligine silteme jasap.

Qazaqstannyń tabıǵat qorǵaý jáne quqyq qorǵaý organdarynyń kúsh-jigerin biriktirý kezinde 2021 jylǵy 1 sáýir men 31 mamyr aralyǵynda Atyraý, Mańǵystaý jáne Batys Qazaqstan oblystarynda keń aýqymdy «Bekire»balyq qorǵaý aksııasy ótedi.

Esterińizge sala keteıik, jyl saıyn balyq qorǵaý sharalarynyń tıimdiligin arttyrý úshin ekologııa, geologııa jáne tabıǵı resýrstar, ishki ister mınıstrleriniń jáne QR Ulttyq qaýipsizdik komıteti tóraǵasynyń «Bekire «balyq qorǵaý aksııasyn ótkizý týraly birlesken buıryǵyna qol qoıylady.

Balyqtardyń baǵaly túriniń ýyldyryq shashý kezeńinde balyqtardyń, onyń ishinde bekire túrleriniń ýyldyryq shashý oryndaryna kóshýin qamtamasyz etý maqsatynda zańsyz balyq aýlanýyna jáne aınalymyna qarsy is-qımyl boıynsha kúsh biriktiriledi. Osy maqsat úshin balyq qorǵaý aksııasyn ótkizý kezinde quqyq qorǵaý jáne tabıǵat qorǵaý organdarynyń ózara is-qımyly jónindegi úılestirý shtabynyń quramy, sondaı-aq aksııa kezindegi birlesken is-qımyl jospary bekitiledi.

Atyraý qalasynda «Bekire-2021»aksııasyn ótkizý jónindegi úılestirý shtabynyń otyrysy kezinde aksııa sheńberindegi josparlar týraly tolyǵyraq aıtyldy.
Ekologııa mınıstrligi Balyq sharýashylyǵy komıtetiniń tóraǵasy Narıman Júnisovtyń aıtýynsha, shtabtyń jumys organy Jaıyq-Kaspıı oblysaralyq basseındik balyq sharýashylyǵy ınspeksııasy bolyp belgilendi. 

«Bıylǵy jyly negizgi kúshter Kaspıı teńiziniń jaǵalaýy men akvatorııasynda jáne Atyraý oblysynyń shegindegi Jaıyq jáne Qıǵash ózenderiniń bastaýlarynda shoǵyrlanýy tıis, óıtkeni dál sol jerlerde brakoner faktileri oryn alýy yqtımal. Balyqtyń zańsyz aınalymy faktilerin anyqtaý jáne jolyn kesý jónindegi jumysty kúsheıtý mańyzdy. Ol úshin stasıonarlyq jáne jyljymaly beketter, mobıldi reıd toptary uıymdastyrylady», dedi komıtet basshysy.

Sonymen qatar aksııaǵa qatysýshylar Jaıyq ózenin aınalyp ótip, beketter men tonnalyq ýchaskelerdi tekserdi, sondaı-aq Kaspıı teńizi jaǵalaýynyń soltústik bóligin tikushaqpen aınalyp ushty.

Aıta keteıik, ótken jyldardaǵy balyq qorǵaý aksııasynyń nátıjesi kóktemgi balyq aýlaý maýsymynda brakonerlik toptardyń qyzmeti arta túskenin kórsetedi.

Aıta ketsek, «Bekire-2020» aksııasynyń qorytyndysy boıynsha 759 buzýshy ákimshilik jaýapkershilikke tartylyp, 33 qylmystyq is qozǵaldy. Tártip buzýshylarǵa 13 mln teńgeden astam somaǵa ákimshilik aıyppul salyndy, zańsyz aınalymnan 13,9 tonna balyq alyndy, onyń ishinde 943,6 kg bekire tuqymdas balyq túrleri, 16,34 kg bekire tuqymdas balyq ýyldyryǵy, 439 aý, 20 qaıyq jáne 7 kólik bar.

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar