Samal-3 shaǵyn aýdanynda ornalasqan bilim ordasy 1200 orynǵa laıyqtalǵan. Qurylysy 2018 jyldyń sońynda bastalǵan bolatyn. Bas merdiger - «Atameken korparasııasy» JShS-y. Bilim oshaǵy arnaıy uldar jáne qyzdarǵa arnalǵan sheberhanamen, STEM kabıneti, sportzal, ashanamen qamtylǵan.
Qala ákimi synyptardy aralap, «Oqýǵa qushtar mektep - oqýǵa qushtar ult» atty kitap kórmesimen tanysty. Sonymen birge, shahmat oınaýshylardy tamashalap, sport seksııalaryna da at basyn burdy.
– Balalardyń densaýlyǵyn nyǵaıtýdy, buqaralyq sportty damytýdy qolǵa alý qajet. Ol úshin oqýshylardy sport úıirmelerine kóptep tartý mańyzdy. Zamanaýı mektepterde bilim alǵan balalar bizdiń jarqyn bolashaǵymyzdyń kepili. Bilim sapasymen qatar balalar qaýipsizdigi nazardan tys qalmasyn, – degen shahar basshysy aralaý sońynda mekteptegi estelik kitapqa jazba qaldyrdy.
