Baǵbandardy qoldaýdyń arnaıy sharalary ishinde kóshetterdi, tamshylatyp sýarýǵa jáne qajetti ınfraqurylymdy júrgizýge jumsalatyn shyǵyndardyń jartysyn óteý sýbsıdııalary, sondaı-aq tehnıka satyp alýǵa jáne baý-baqsha otyrǵyzýǵa arnalǵan ınvestısııalyq sýbsıdııalar bar.
Sonymen qatar, syıaqy mólsherlemesi sýbsıdııalanatyn qarjylandyrý baǵdarlamalary bar. Budan bólek, tálimbaqpen aınalysatyndardyń ótinishi boıynsha ótken jyly Aýyl sharýashylyǵy mınıstrligi kóshetter óndirisin sýbsıdııalaý boıynsha jańa baǵdarlama ázirledi. Onda tálimbaq kóshetterine arnalǵan tehnıka satyp alýǵa ınvestısııalyq sýbsıdııa qarastyrylǵan.
«Qazaqstanda salany damytý úshin barlyq jaǵdaı jasalǵan. Aıta ketý kerek, Batys Qazaqstan oblysy ónerkásiptik baý-baqsha ósirýge tıimdi óńir emes. Sondyqtan, biz Túrkistan, Almaty jáne Jambyl oblystaryna basymdyq beremiz. Qurmetti depýtatty «Dala Frýt», «Amal Bıo», «Alma Mater Fields», «Aleksandrovskıı sad» sııaqty sharýashylyqtardy kózimen kórýge shaqyramyz. Bular – ónimdi saqtaý ınfraqurylymy, baqshany kútý men alma jınaýdyń tıimdi tehnologııasy bar zamanaýı ónerkásiptik baqtar. Bul BQO-daǵa jobany qoldamaı-aq Qazaqstannyń baý-baqshasyn qalpyna keltirý jáne odan ári damytý múmkin emes degen saýal joldaǵan avtordyń pikirin ózgertýi múmkin», dedi mınıstrlik ókili.
Sondaı-aq, ol eskirgen nemese qate derekter taralyp ketpeý úshin Aýyl sharýashylyǵy mınıstrligi kez kelgen qajet aqparatty berýge jáne ashyq dıalogqa daıyn ekenin aıtty.
