Redaksııaǵa týysy Aǵıla Qudaıbergenova habarlasqan. Ol Raıhan Naýryz meıramyna oraı Terekti aýdanyndaǵy Saryómir aýylynan Oral qalasyna ketip, qaıta oralmaǵanyn jetkizgen.
«Qalada ápkesiniń úıine baratynyn aıtty. Ol ortalyq bazar aýmaǵynda turady. Telefony joq. Úıge áli oralǵan joq. Ketip bara jatqanda jumystary bar ekenin aıtqan edi. Túski ýaqyt bolatyn. Birneshe kún buryn polısııaǵa aryz jazdyq», deıdi Aǵıla Qudaıbergenova.
Sonymen qatar, týysy Raıhan Sháripovanyń buryn sońdy úıden bylaı ketip kórmegenin aıtady.
«Esepte esh jerde turmaıdy, ishpeıdi. Úıde kúıeýi men úsh balasy bar. Eń kishisi ekinshi synypta oqıdy», deıdi ol.
