Otyrar APB-ne jergilikti turǵyn urynyń qurbany bolǵandyǵy jóninde habar berip, kómek suraǵan. Jábirlenýshi áıeldiń aıtýynsha, ózi jumys isteıtin emhananyń qyzmettik bólmesinde turǵan qol sómkesinen belgisiz azamat jasyryn túrde aqsha urlap ketken. Keltirilgen shyǵynnyń kólemi 50 000 teńge. Polısııa qyzmetkerleri atalǵan jaıtty QR QK-niń 188-baby “Urlyq” boıynsha tirkedi.
Otyrar aýdanynyń polıseıleri atalmysh qylmysty ashý maqsatynda oqıǵa ornyna tez arada kelip, qajetti sharalardy júzege asyrdy. Jaqyn aımaqtardy muqııat tekserip shyǵyp, kórgen-bilgenderden jaýap aldy. Nátıjesinde kúdikti anyqtalyp, óz úıinde ustaldy. Ustalǵan er adam jergilikti zeınetker bolyp shyqty.
Qazirgi tańda osy oqıǵaǵa qatysty tergeý amaldary júrgizilýde. Tergeý barysynda kúdiktiniń osydan basqa taǵy eki urlyq jaıtyna qatystylyǵy anyqtaldy. Onda jábirlenýshilerge jalpy 40 000 teńgege jýyq shyǵyn keltirilgen.
