- Kóktem bastalǵaly aýylsharýashylyq ónimderiniń jármeńkesin ekinshi ret ótkizip otyrmyz. Sharýalar óz ónimderin esh deldalsyz saýdalady. Baǵany turaqtandyrý baǵytyndaǵy jármeńkege kókónis, jemis-jıdek, kúrish, et, balyq jáne sút ónimderiniń barlyq túrleri ákelindi, - dedi oblystyq aýylsharýashylyǵy basqarmasynyń basshysy Shahmardan Qoıshybaev.
Jármeńke Qyzylorda qalasynyń Astana dańǵylynyń boıy, Kósherbaev kóshesi men Amangeldi kóshesiniń aralyǵynda ótti. Barlyq aýdanǵa arnaıy oryn belgilenip berilgen. Jalpy 100-ge jýyq kólikke tıelgen 250 tonnadan astam ónim saýdalandy. Tańerteńnen túske deıin 60 tonnadan astam kúrish, 8 tonna shamasynda et, 60 tonnadaı kartop, 70 tonnadan astam kókónis pen jemis-jıdek ónimderi, 5 tonnadan astam sút ónimderi, 15 tonnadaı balyq ónimderi jáne 10 tonnaǵa jýyq mal azyqtyq jem-shóp satyldy.
