Koronavırýs • 05 Sáýir, 2021

Shekteýlerdiń azaıýy indettiń údeýine ákelmesin desek...

36 ret kórsetildi

О́ńirdiń sanıtarııalyq-epıdemıologııalyq baqylaý departamentiniń basshysy Batyrbek Álıev karantındik shekteýlerge birqatar ózgeris jasady. Bas memlekettik sanıtarlyq dárigerdiń «Pavlodar oblysy aýmaǵynda shekteýli karantındik sharalar týraly» №8 qaýlysy 2 sáýirden bastap kúshine endi.

– Epıdemııalyq jaǵdaıdy baǵalaý ól­shem­derine sáıkes, óńir 16 naýryz­dan bastap «jasyl aımaqta». Tek Tereń­kól, Aqqýly jáne Pavlodar aýdandary sary aımaqta. Sondyqtan syrqat­ta­ný­shy­lyqtyń tómendeýine baılanysty bir­qatar jeńildetilgen karantındik shara qarastyryldy, – dedi B.Álıev. Qabyl­danǵan sharalarǵa sáıkes, turǵyndarǵa bu­ry­nǵydaı sanıtarlyq talapty qatań saq­tap, medısınalyq betperde kııý, 65 jastan asqan adamdardyń úıde otyrýy eskertilýde. О́ńir turǵyndary asyǵa kútip júrgen aýylsharýashylyq jármeńkesine Pavlodar, Ekibastuz, Aqsý qalalarynda ruqsat berildi. Jármeńkelerde barlyq sanıtarlyq talaptyń saqtalýy, aýyldan ónim ákelýshiler de, ónimdi satyp alýshy qala turǵyndary da betperde taǵýy tıis. О́nimderdiń bári zerthanalyq tekserýden ótedi. Barlyq ujymda qyzmetkerlerdiń 30 paıyzy qashyqtyqtan qyzmet etýde. Mádenıet nysandary, kınoteatrlar, teatr, mýzeı, kitaphana, bılıard, balalar ortalyqtarynda 30 adamnan aspaıtyn kólemde jınalýǵa ruqsat berildi. Saýna, monshalar da ashyldy. Tolymdylyǵyn 20 paıyzdan asyrmaı, kórermenderdiń qatysýymen sporttyq is-sharalardy ót­ki­zýge bolatyny aıtyldy.

– Al karaoke, qorqor bólmeleri, túngi klýbtar sııaqty oıyn-saýyq meke­me­leriniń jumysyna shekteý jalǵasady, – dedi bas sanıtarlyq dáriger. Sondaı-aq qalalyq jáne aýyldyq mektepterde balalar sanyn 25 adamnan asyrmaı dás­túrli formatta oqytýǵa ruqsat be­ril­­di. Toptardyń birigýimen is-sha­ra­lar ótkizbeı, ata-analary men erip jú­re­tin adamdardy engizbeı, mektepke de­ıingi mekemeler jumys isteı beredi. Ba­la­lardy túzetý kabınetteri, balalar men eresekterge arnalǵan bilim berý orta­lyqtary kelýshiler sanyn shek­te­meıdi. Tolymdylyǵyn 30 paıyzdan asyrmaı jáne bir kelýshige keminde 4 sharshy metr saqtalǵan jaǵdaıda tur­ǵyn­dar meshitke bara alady. Jańa qaý­lyǵa sáıkes tolymdylyǵyn 30 paıyzdan jáne adam sanyn 50-den asyrmaı, aǵaıynnyń basyn qosyp banket zal­da­ry­nyń qyzmetine de ruqsat berildi. Al ashyq jáne jabyq ǵımarattarda jab­dyq­tardan basqa kórinisti, sporttyq is-shara­lardy, otbasylyq, oıyn-saýyq, ujym­dyq, korporatıvtik sharalardy ótkizý úshin banket zaldaryn jalǵa alýǵa, kóp qonaq shaqyryp toı jasaýǵa tyıym sa­ly­nady.

Jalpy, osy kúnge deıin oblysta 19 127 adamnan KVI anyqtalsa, 18 548 naýqas indetten jazylyp shyqty, 17 naýqas ınfeksııalyq aýrýhanalarda emde­lýde. Qazirgi ýaqytta oblysta ın­fek­sııa­lyq aýrýhanalardyń júktemesi 27 paıyzdy quraıdy. Sońǵy kúnderi oblysta 17 adamnyń indet juqtyrǵany anyq­talǵan.

– Bul naýqastar boıynsha aıtsaq, oblys orta­lyǵynda – 8, Ekibastuzda – 4, Aq­sýda – 2, Baıanaýyl aýdanynda – 1, Shar­baqty aýdanynda 2 jaǵdaı tirkelgen, – deıdi B.Álıev. Al óńirde qazirge deıin vaksınanyń I komponenti 5 094 adamǵa egilse, II komponenti 2 424 adamǵa salyndy. Mysaly, 198 polısııa qyzmetkeri, 1 162 muǵalim, 3 128 dáriger, 516 ekpe alǵysy kelgen turǵyndar, 15 stýdent, 60 sozylmaly aýrýlary bar adam, 11 memlekettik qyzmetshi ekpe alǵan.

– Aýrýhanalarda ekpe alýǵa eshqandaı shekteý joq. Mysaly, 65 jastan asqan turǵyndar da ekpe qabyldaı alady. Ekpe alý úshin ózi tirkelgen emhanasyna jazyla­dy. Tekserýden ótkennen keıin dári­ger­diń ruqsatymen ǵana egiledi, – deıdi bas­qarma mamandary.

Ekpe alýǵa qatysty suraqtar bolsa, oblystyq densaýlyq saqtaý basqarmasy basshysynyń WhatsApp jelisindegi 8 705 447 52 52 nómirine habarlasýǵa bolady.

– О́ńirimiz «jasyl aımaqta» bolsa da saqtyq sharalaryn bosańsytýǵa bolmaıdy. Eger karantındik sharalar men shekteýler talapqa saı saqtalmasa, ahýaldyń ýshyǵyp ketýi ábden múmkin. Karantındi tolyq shekteýge nemese toqtatýǵa áli negiz joq, – deıdi B.Álıev.

Mamandardyń aıtýynsha, aldaǵy ýa­qytta adamdar birtindep ımmýnıtetke ıe bola bastaıdy. Sonda ǵana epı­de­mııalyq jaǵdaı oń kórsetkishke jete alady. Qazir óńirge COVID-19-ǵa qarsy vaksınanyń kezekti úlesi kelip tústi. Iаǵnı I komponenttiń 4 200 dozasy jáne «Gam-KOVID-Vak» (Spýtnık V) II kompo­nentiniń 1 300 dozasy jetkizilgen. Den­saýlyq saqtaý basqarmasynyń máli­me­ti boıynsha, preparat Ǵ.Sultanov atyn­daǵy oblystyq aýrýhananyń orta­lyq qoımasyna saqtaýǵa jiberildi.

Ekpeniń alǵashqy legi óńirge 31 qań­tar­da kelip túsken. Kelesi legi 21, 27 aq­pan­da, 17 naýryzda jetkizilgen.

– Qazir álemde de, elimizde de indettiń qaı­­tadan órshýi eskertilýde. Naýryz aıyn­da indetke shaldyqqandar sanynyń ósýine mereke kúnderiniń áser etýi múm­kin ekenin aıttyq. Sáýirde, jaz aılaryn­da qandaı ósim bolatyny belgisiz. Bári ha­­lyqtyń sanıtarlyq normalardy saq­taýyna jáne ekpe alýyna baılanysty, – dedi B.Álıev.

 

Pavlodar oblysy

 

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar