Syılyqqa qatysatyn muǵalim resmı saıtta saýaldamany toltyrýy kerek (WWW.TEACHERPRIZE.KZ). Saýaldamalar 2021 jyldyń 1 sáýirinen 1 tamyzyna deıin qabyldanady. Saýaldamalardy baǵalaýdyń negizgi ólshemsharttarynyń biri – muǵalimniń áleýmettik mańyzdy qoǵamdyq qyzmetke qatysýy. Tárbıeshiniń áleýmettik jobalardaǵy jumysy balalardy, jas urpaqty biriktirýge, olardyń ózara is-qımylyn shyǵarmashylyqpen, qoǵam ıgiligi úshin paıdaly istermen tolyqtyrýǵa, olardyń ózin-ózi tanýyn rýhanı adamgershilik jáne gýmanıstik baǵytta tárbıeleýge múmkindik beredi.
Úzdik úmitkerlerdi irikteýdi qazylyq quramyna Bilim jáne ǵylym mınıstrliginiń, ata-analar qoǵamdastyǵynyń ókilderi, bilim berý salasyndaǵy táýelsiz sarapshylar, tárbıeshilerdiń jetekshi mamandary, qoǵam qaıratkerleri, elimizdiń fılantroptary kiretin táýelsiz sýdıalar akademııasy júrgizedi.
Irikteý «Álem muǵalimi» jahandyq syılyǵyn uıymdastyrýshy Varke Qorynyń (Varkey Foundation) belgilengen ólshemsharttaryna sáıkes ótedi. Halyqaralyq aýdıtorlyq kompanııa irikteý prosesiniń aýdıtine, baǵalaýyna jáne testileýine qatysady jáne iriktelgen kandıdattardyń bedeli men ómirbaıany boıynsha tereńdetilgen skrınıng júrgizedi.
Qazaqstannyń tárbıeshilerge arnalǵan jahandyq syılyqqa qatysýyna múmkindik bergen – Qoǵamdyq mańyzy bar bastamalardy damytý qorynyń basshysy Álııa Nazarbaeva. Muǵalimder – qoǵamdaǵy ózgeristerdiń kilti. «Qazaqstan muǵalimi» ulttyq syılyǵynyń mıssııasy – mamandyqtyń bedeli men mártebesin arttyrý, belsendi muǵalimder arasynda yntymaqtastyq ornatý.
