Aýdan basshysy kúni keshe Qazaly qalasyndaǵy «О́rimtal» balabaqshasynan 9 birdeı naýqas shyqqqanyn, sondyqtan qaýipsizdik sharalaryn kúsheıtý qajettigin atap ótti.
Aýdandyq sanıtarlyq-epıdemıologııalyq baqylaý basqarmasynyń basshysy Gúlsim Imandosova, aýdandyq polısııa bólimi bastyǵynyń orynbasary Erkebulan Júrsinbaev aýdandaǵy epıdemıologııalyq ahýal jáne atqarylyp jatqan jumystar týraly baıandady.
Qazaly aýdanaralyq aýrýhanasynyń bas dárigeri Baqytgúl Álisheva 3 naýqastyń jaǵdaıy aýyr ekendigin, osyǵan oraı aýrýhanada ınfeksııalyq postqa qosymsha 2 reanımasııalyq post ashylǵanyn jetkizdi.
Basqosýda aýdan ákimi tez arada Qazaly qalasyndaǵy aýrý anyqtalǵan oshaqtar men 2 balabaqsha, 3 mektep, 1 kolledj jáne qala ákimi apparatynyń ǵımaratyna dezınfeksııa jumystaryn júrgizýdi tapsyrdy. Sondaı-aq, jalpy aýdandaǵy bilim berý uıymdaryn, onyń ishinde qaladaǵy mektepterdi birinshi kezekte onlaın oqýǵa kóshirip, balabaqshalardy jaǵdaı turaqtalǵansha ýaqytsha jabýdy tapsyrdy.
– Juqpaly indettiń aldyn alý maqsatynda bazarlar men dúkenderde, qoǵamdyq tamaqtaný jáne meıramhanalarda saqtyq sharalarynyń qatań saqtalýyn qadaǵalaýymyz qajet. Ol úshin monıtorıngtik toptar belsendi jumys isteýi tıis. Qazirgi tańda qoǵamdyq kólik júrgizýshileriniń kóbisi maska taqpaıdy. Olaı bolmaıdy. Sebebi oblys boıynsha bizdiń aýdanda tirkelgen naýqastar sany kóp bolyp tur. Osyny halyqqa túsindirýimiz qajet, – dep aýdan ákimi Murat Ergeshbaev jedel shtab otyrysyn qorytyndylady.
