Oblystyq sıfrlandyrý, memlekettik qyzmetter kórsetý jáne arhıvter basqarmasynyń basshysy Elnur О́tebaev óńirde «Sıfrlyq Qazaqstan» memlekettik baǵdarlamasyna sáıkes, 8 negizgi baǵyttan turatyn jobalar júzege asyrylyp jatqanyn aıtty.
Túrkistan qalasynda «Smart city» bastamalaryn iske asyrý boıynsha «Aqyldy qalalar» etalondyq standartyna sáıkes oblys ákimdigi bilim berý, densaýlyq saqtaý, áleýmettik sala, qalany basqarý, qaýipsizdik, kólik, TKSh jáne qurylys salalaryn sıfrlandyrý jumystaryn jolǵa qoıyp otyr. Bul jumystar 2019 jyldyń ekinshi jartyjyldyǵynda bastalǵan bolatyn. Nátıje de joq emes. Basqarma basshysy negizgi 48 bastamanyń 25-i iske asyrylǵanyn, 19-y jumys barysynda, 4-i josparda ekenin habarlady. Jospardaǵy jobanyń jartysy ǵana oryndalǵannyń ózinde júıe tıimdiligin kórsete bastapty. Máselen, sıfrlandyrýdyń nátıjesinde memlekettik mekemelerge qaralǵan qarajattyń 244,5 mln teńgesi kezeń-kezeńimen oblystyq bıýdjetke qaıtarylǵan. Budan basqa, telefon apparattarynyń abonenttik tólemderi 1 064 teńgeden 350 teńgege deıin, halyqaralyq telefon sóılesýlerine ketetin shyǵyndar mınýtyna 39 teńgeden 7 teńgege deıin tómendetilgen. Aýdandar, qalalar, oblys ákimdigi men basqarmalar arasynda lımıtsiz tegin sóılesýler qamtamasyz etildi. Sonymen qatar aýdandyq jáne qalalyq ákimdikterge 1 400 zamanaýı IP-telefondary únemdelgen qarjy esebinen ornatylǵan.
Oblysqa jýyrda jumys saparymen kelgen Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın sıfrlandyrý baǵytynda atqarylyp jatqan jumystarmen tanysyp qaıtqan bolatyn. Mınıstrge Ordabasy aýdany, Badam aýylyndaǵy tehnologııalyq taýarly sút fermasyndaǵy sıyr saýýǵa arnalǵan avtomattandyrylǵan robottardyń jumysy, dıagnostıkalaý júıesi sekildi aýyl sharýashylyǵynyń tehnologııalyq úderisteri tanystyryldy. Odan keıin vedomstvo basshysy aýyldyq eldi mekenderdi ınternetke mobıldi keńjolaqty qoljetimdilikpen qamtamasyz etý jónindegi «250+» jobasyna engen Ordabasy aýdanynyń Jýsansaı jáne Aqqoıly aýyldaryn aralady. Mınıstrdiń bul aýyldarǵa kelýiniń ózindik sebebi de bar. Buǵan deıin aýyl turǵyndary ınternettiń sapasyna shaǵymdanǵan bolatyn. Eki aýylda da baılanys sapasy tómen. Osy oraıda tıisti hattama toltyrylyp, operatorlar máseleni maýsym aıyna deıin sheshýge ýáde berdi. Mınıstr «Turkistan 109» biryńǵaı baılanys ortalyǵynyń jumysymen de tanysty. О́tken jyldyń qarasha aıynda ashylǵan ortalyqqa osy kúnge deıin qalanyń tynys-tirshiliginiń túrli salalarynda 12 myńnan astam ótinish qabyldanǵan. Qýatty transformatorlardy daıyndaý boıynsha tehnologııalyq prosesti robottandyrýǵa ınnovasııalyq grant alǵan Kentaý transformator zaýytyndaǵy jumystar da nazardan tys qalmady. Oblys ákimdiginde ornalasqan sıtýasııalyq ortalyq álemdi sharlaǵan pandemııa bastalǵan kezde ashylǵan bolatyn. COVlD-19 koronavırýs ınfeksııasyn baqylaý jáne oǵan qarsy turý jumystaryn uıymdastyrýǵa baǵyttalǵan ortalyq qazir qyzmetin keńeıtti. Munda birneshe baǵyt boıynsha jumys júrgiziledi.
«Bul joba – kosmomonıtorıng negizinde aýyl sharýashylyǵy maqsatyndaǵy jerlerdi utymdy paıdalanýǵa sandyq monıtorıngti jáne baqylaýdy engizýge arnalǵan platforma. Sondaı-aq servıske qol jetkizý sý resýrstaryn, alqaptardy paıdalanýdy anyqtaý, esepke alý jáne topyraqtyń jaı-kúıin monıtorıngileý úshin jer qatynastary bólimderiniń, jerdiń paıdalanylýy men qorǵalýyn baqylaý jónindegi basqarmalarynyń qyzmetkerlerine beriledi», deıdi ortalyq jetekshisi Murat Halılaev.
Al jańadan engizilgen Túrkistan oblysynyń daǵdarysqa qarsy kartasy qaýipsizdik, satylym, densaýlyq saqtaý, mobıldi toptar jáne bilim sektorlary baǵytynda jumys isteıdi. Taldaýlar júrgizedi. Jańa júıe el aýmaǵynda alǵash ret qolǵa alynyp otyr. Elimizde tótenshe jaǵdaı oryn alǵaly 104 mobıldi top qurylǵan. Oblys ákimi О́mirzaq Shókeevtiń tapsyrmasyna sáıkes derekterdi jınaý boıynsha kross nysany engizilgen. Mobıldik toptar qyzmetiniń monıtorıngi men taldaýyn jeńildetetin ahýaldyq taldaý ortalyǵy zamanaýı tehnıkamen tolyq jabdyqtalǵan.
Oblys boıynsha densaýlyq saqtaý salasyn sıfrlandyrý – saýyqtyrý jáne aldyn alý, aýrýdy erte anyqtaý, medısınalyq kómek kórsetý, aýrýdy basqarý jáne ońaltý syndy 4 baǵytta júzege asyrylýda. Iаǵnı densaýlyq salasy zamana kóshinen qalmaı sandyq formatta qyzmet kórsetýge kóshken. Aıtalyq, densaýlyq salasyn aqparattandyrý boıynsha qala jáne aýdan ortalyqtarynda ınternetke kirýge múmkindikter 100 paıyz jasaqtalǵan. Sala mamandary bıyl aýyldyq okrýgter ınternet jelisimen 100 paıyz qamtamasyz etiletinin aıtýda. Qazirgi tańda óńirdegi medısınalyq uıymdardyń 73 paıyzy medısınalyq aqparattyq júıesine qosylǵan. Sondaı-aq aımaqta dáriger men orta býyndy medısınalyq qyzmetkerlerdiń jumys oryndary kompıýterlik tehnıkamen tolyq jabdyqtalǵan.
Qoǵamdyq densaýlyq saqtaý basqarmasynyń basshysy Marat Pashımovtyń málimeti boıynsha, oblys turǵyndarynyń elektrondy densaýlyq pasporttary 100 paıyz jasaqtalǵan. Emdelýshilerdiń sıfrly saýattylyǵy da artyp keledi. Máselen, 381 859 adam mobıldi qosymshany paıdalanady. Dárigerdiń qabyldaýyna onlaın jazylǵandar qatary artyp, 101 538 adamǵa eńbekke jaramsyz paraǵy elektrondy nusqada berilgen. Sonymen qatar 75 medısınalyq uıym ishinara qaǵazsyz qujat aınalymyna aýystyrylǵan. Medısınalyq mekemelerdiń 91,5%-y elektrondy nusqaǵa kóshirilgen.
Túrkistan oblysy
