«Agenttik «Atameken» UKP-men birlesip 2018 jyldan bastap «Protecting business and investments» jobasyn júzege asyrýda. Onyń negizgi maqsaty – kásipkerlik sýbektileri tap bolatyn barlyq úderisterdi sybaılas jemqorlyqqa qarsy súıemeldeý», dep atap ótti A.Shpekbaev.
Onyń aıtýynsha, búginde Agenttiktiń sybaılas jemqorlyqqa qarsy súıemeldeýinde jalpy somasy 38 mlrd AQSh dollarynan artyq bolatyn 650-den astam ınvestısııalyq jáne bıznes-jobalar bar.
Elder bólinisinde Qytaı, Reseı, Germanııa, Túrkııa, BAÁ, AQSh, Polsha, Nıderlandy jáne basqalary tur. Is júzinde ár ekinshi joba – óńdeý ónerkásibiniń túrli salalaryna, ár besinshi joba – aýyl sharýashylyǵyna tıesili.
