Qoǵam • 07 Sáýir, 2021

Almaty oblysynda kóp balaly ana 14-shi sábıin dúnıege ákeldi

96 ret kórsetildi

Almaty oblysy Kerbulaq aýdanynda altyn qursaqty «Batyr ana» Gúlnáz Jeńisbaıqyzy 14-shi sábıin dúnıege ákeldi. Otbasyn osy qýanyshymen aýdan ákimi Ǵalıasqar Sarybaev quttyqtady, dep habarlaıdy Egemen.kz Almaty oblysy ákiminiń baspasóz qyzmetine silteme jasap.

Bul otbasyǵa 2019 jyly Saryózek aýylynan kóp balaly sanatymen turǵyn úı berilgen bolatyn.

Sársenbaı Sadýaqasov pen Gúlnaz Jeńisbaıqyzynyń shańyraq kótergenine 27 jyl bolǵan. Búginde olar 10 qyz 4 ul tárbıelep otyr, 3 nemere kórdi.

Kerbulaq aýdandyq ákimdiginiń málimetine súıensek, mektep qabyrǵasyndaǵy bes bala oqý quraldarymen, sporttyq kıimmen, mektep formasymen tolyq qamtamasyz etilgen, úsheýi balabaqsha jasynda. Onlaın oqýlaryna qajetti noýtbýk te mektepten berilgen. Qyzy Aıjan sporttyń erejesiz jekpe-jek túrine qatysyp, júldeli oryndarǵa ıe bolyp júr. Otaǵasy mashınıst, mehanık, dánekerleýshi sııaqty kásipterdi erkin meńgergen.

«О́mirdiń máni de, sáni de - bala. Densaýlyǵym jetse, bala týýdan qashpaımyn. Qazaq «balany jastan» degendi beker aıtpaǵan. Úlken qyzym muǵalim. «Aldyńǵy arba qaıda barsa, sońǵy arba sonda júredi» deıdi, sondyqtan aldyńǵy ul-qyzdardy jaqsy tárbıeleseń, sońǵylary solarǵa eliktep, úlgi etip ósedi dep oılaımyn", - deıdi Gúlnáz Jeńisbaıqyzy.

Eske salsaq, jalpy Almaty oblysynda kóp balaly otbasylaryna qajetti kómek kórsetý jolǵa qoıylǵan. О́tken jyly 2 395 otbasyna turǵyn úı berilse, sonyń 1 258-i áleýmettik áljýaz jáne kóp balaly otbasylar, bul qatarda 180 otbasy mesenattardyń qoldaýymen úıli bolǵanyn da atap ótý kerek. Sol sııaqty oblys ortalyǵy Taldyqorǵanda kóp balaly analar jumys isteıtin tigin sehyn ashý qolǵa alynǵan. Qazirgi kezde seh ornalasatyn oryn jóndeýden ótkizilip, daıyndalý ústinde. Jalpy bıylǵy jyldyń 1 sáýirine ataýly áleýmettik kómek 14761 otbasyna 2 mlrd. 103,9 mln. teńge kóleminde taǵaıyndalǵan, onyń ishinde az qamtylǵan kóp balaly otbasylar da bar.

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar