S. Mıttal óristetilip jatqan «One Web» jahandyq spýtnıktik jeli sheńberinde qolǵa alynǵan Baıqońyr ǵarysh aılaǵynan spýtnıkterdi ushyrý jónindegi jumystardyń barysy týraly baıandady. Qazirgi ýaqytta ǵaryshqa 110 spýtnık ushyryldy. 2021-2022 jyldary Baıqońyr ǵarysh aılaǵynan 8-den astam ushyrýdy júzege asyrý josparlanyp otyr.
«One Web» jahandyq spýtnıktik jelisi 1200 km bıiktiktegi 18 orbıtalyq jazyqtyqtaǵy 648 spýtnıkten turatyn bolady. 2021 jyldyń sońynda spýtnıktik jelini tolyq paıdalanýǵa berý jáne oǵan QR aýmaǵyna qyzmet kórsetý kútilýde.
Taraptar Qazaqstan aýmaǵyn, onyń ishinde shalǵaıdaǵy jáne qatynasý qıyn aýdandardy baılanys spýtnıkteri arqyly joǵary jyldamdyqty keń jolaqty Internetpen jappaı qamtý jónindegi jobany iske asyrý perspektıvasyn talqylady.
Nur-Sultan qalasyndaǵy Ulttyq ǵarysh ortalyǵy janyndaǵy Ǵarysh apparattaryn qurastyrý-synaý kesheni bazasynda «One Web» spýtnıkteri úshin jıyntyqtaýyshtardy qurastyrý jónindegi jobany iske asyrý barysy, sondaı-aq Ortalyq Azııa elderine keıinnen «One Web» spýtnıktik ınternetin eksklıýzıvti dıstrıbýsııalaý úshin Qazaqstan aýmaǵynda shlıýz stansııasyn ornalastyrý boıynsha birlesken kásiporyn qurý máselesi qaraldy. Kezdesýge Strategııalyq josparlaý jáne reformalar agenttiginiń tóraǵasy – AHQO basqarýshysy Qaırat Kelimbetov, sondaı-aq sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın qatysty.
«One Web» kompanııasy Internet jelisine qoljetimdilik jáne derekterdi joǵary jyldamdyqpen berý (paıdalanýshy termınalyna 5-50 Mbıt/s) boıynsha qyzmetterdi usyný úshin jahandyq tómen orbıtalyq spýtnıktik jelini quraıdy.
