«2021 jyly «Qasıetti Ramazan aıy» dinı merekesi 13 sáýir men 12 mamyr aralyǵynda ótedi. Mamyr aıynyń 8-nen 9-yna qaraǵan túni «Qasıetti Qadir túni», 13-shi mamyr kúni «Oraza Aıt» merekesi atap ótiledi. Degenmen sanıtarlyq-epıdemıologııalyq jaǵdaıǵa baılanysty barlyq meshitterdegi dástúrli «Taraýıh namazdar», «Aýyzashar» rásimderi ótkizilmeıdi», dedi Erbolat Júsipov.
Al óz kezeginde Din isteri jónindegi basqarmasynyń basshysy Nurdáýlet Almuhanov Nur-Sultan qalasynyń Din isteri jónindegi basqarmasy QMDB-nyń qala boıynsha ókildigi jáne tıisti memlekettik mekemelermen birlese daıyndyq jumystaryn júrgizip jatqanyn málim etti. Ol sol sııaqty elordada Ramazan aıynda kómekke muqtaj otbasylardyń tizimi daıyndalyp jatqanyn jetkizdi.
«Kómekke muqtaj otbasylarǵa áleýmettik kómek kórsetý maqsatynda aýdan ákimdikteri jáne Jumyspen qamtý jáne áleýmettik qorǵaý basqarmasymen birlese kómekke muqtaj otbasylarynyń tizimi jasaqtalýda. Osy oraıda qurmetti qala turǵyndary «Qasıetti Ramazan aıy» meıirimdilik pen jaqsylyqtyń aıy bolǵandyqtan, barshańyzdy kómekke muqtaj adamdarǵa qoldan kelgenshe qol úshin berip qaıyrymdylyqqa atsalysýlaryńyzdy suraımyn», dedi vedomstvo basshysy.
Ol sózin jalǵaı otyryp, sanıtarlyq-epıdemıologııalyq qaýipsizdik erejelerine basa mán berýdi tapsyrdy.
«Qurmetti Nur-Sultan qalasynyń turǵyndary men qonaqtary, barshańyzdy bekitilgen sanıtarlyq-epıdemııalyq qaýipsizdik erejelerin saqtaýǵa shaqyramyz. О́zimizdi jáne jaqyndarymyzdy qaýip-qaterden qorǵaıyq», dedi ol.
