Ekologııa • 09 Sáýir, 2021

Túrkistan oblysynda vegetasııalyq maýsym qalaı ótedi

9 ret kórsetildi

Aldaǵy vegetasııalyq maýsymǵa daıyndyqty baǵalaý jáne magıstraldyq arnalardy sıfrlandyrý jónindegi jumystarmen tanysý úshin Túrkistan oblysyna Ekologııa, geologııa jáne tabıǵı resýrstar mınıstri Maǵzum Myrzaǵalıev keldi. Vedomstvo basshysy jergilikti turǵyndarmen, fermerlermen, sý mamandarymen kezdesti. Mınıstr sýarmaly sýdy utymdy paıdalaný máselesine erekshe nazar aýdardy, dep habarlaıdy Egemen.kz.

Túrkistan oblysy sýdy esepke alý jáne baqylaý júıesin ornatýmen K-9 magıstraldy kanalyn sıfrlandyrý boıynsha pılottyq joba iske asyrylǵan alǵashqy óńir. Buryn sýdy esepke alý ádettegideı júrgizilgen, sondyqtan sýdy tıimsiz paıdalaný jaǵdaılary bolǵan. Aıtpaqshy, avtomattandyrýdyń arqasynda sýarý rejıminiń 45% - na deıin sýarmaly sýdyń artyq shyǵyny anyqtaldy. Mundaı jumysty osy mańyzdy resýrstyń joǵalýyn boldyrmaý úshin aımaqtaǵy basqa arnalarda júrgizý josparlanýda. Jalpy, 5 jyl ishinde respýblıka boıynsha 119 arnany sıfrlandyrý qajet.

Ekologııa mınıstrliginiń basshysy barlyq sý sharýashylyǵy nysandaryn aralady, olardyń ishinde Kóksaraı kontrrettegishi, úlken Keles magıstraldy kanaly, «Zah», «Hanym» transshekaralyq magıstraldy kanaldary bar.

«Vegetasııalyq maýsym jaqyndap keledi. Fermerlerdi sýmen qamtamasyz etý – bizdiń negizgi jáne strategııalyq mindetimiz. Maýsymnyń sátti ótýi osyǵan baılanysty. Oblysta aýdany 300 myń gektardan asatyn sýarmaly jerler bar, jumystar táýlik boıy júrgizilýi tıis, sý únemdeý tehnologııalaryn paıdalaný mańyzdy. Sondaı-aq, aýyl sharýashylyǵy taýarlaryn óndirýshilerdiń ózderi de sýdy uqypty jáne tıimdi paıdalanýy qajet», - dep atap ótti mınıstr aýyl turǵyndarymen kezdesýde.

Sondaı-aq, óńirde tozyǵy jetken sý sharýashylyǵy ınfraqurylymyn qaıta qurý boıynsha aýqymdy joba iske asyrylýda. Kóptegen nysandar ótken ǵasyrdyń basynda paıdalanýǵa berilgen, sondyqtan olar jóndeý men qalpyna keltirýdi qajet etedi. Joba aımaqtaǵy 62,3 myń ga sýarmaly jerdi qamtyp, sýarmaly sýdyń jyl saıynǵy shyǵynyn jylyna 199 mln.m3 deıin azaıtýǵa, egistikterdi sýmen qamtamasyz etýdi 100 %-ǵa deıin arttyrýǵa jáne aýyl turǵyndary úshin 12,4 myń jańa jumys ornyn qurýǵa múmkindik beredi.

Maǵzum Myrzaǵalıev osy jumys saparynda Shardara, Jetisaı, Maqtaaral, Saryaǵash, Keles aýdandaryndaǵy kanaldardy aralap, Shardara sý qoımasynan mashına sý berý stansııasyndaǵy vegetasııaǵa daıyndyqty zerttedi.

 «Qazaqstan jyl saıyn kórshiles eldermen transshekaralyq sý resýrstaryn paıdalaný jóninde kelissózder júrgizip jatqany belgili. Aldyn ala qabyldanǵan sharalar óte mańyzdy. Alaıda, sýmen qamtamasyz etýde sý sharýashylyǵy obektileriniń jaı-kúıi de mańyzdy oryn alady.         Sondyqtan olardyń tıimdiligin qamtamasyz etý úshin jumysty kúsheıtý mańyzdy», - dep atap ótti mınıstr.

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

14 mamyrǵa arnalǵan aýa raıy boljamy

Aýa raıy • Búgin, 09:13

Uqsas jańalyqtar