«Qoldanystaǵy nóser kárizderiniń qýaty jetkiliksiz ekenin eskere otyryp, jańa nóser kárizderin salý, kollektorlardy keńeıtý boıynsha júıeli jumys júrgizýdemiz. Keshe qalany aralaý barysynda birqatar nysanǵa bardym. Olar boıynsha sheshim qabyldaý qajet boldy.
Mysaly, Almaty aýdanynda (Sh.Qaldaıaqov kóshesi) sorǵy stansalary bar nóser kollektorynyń qurylysyn júrgizip jatyrmyz. Sońǵy jyldar ishinde onyń fýnksııasyn birneshe ret isten shyqqan turmystyq káriz júıesi atqardy. Osylaısha nóser jaýyn ótkizý qýatyn birneshe esege arttyryp, jaqyn ornalasqan kósheler men úılerdi sý basýdan saqtaıdy», dep jazdy ákim.
Onyń aıtýynsha, jańa vokzal aýdany jyl saıyn ınfraqurylymǵa, ınjenerlik jelilerge (sý, elektr energııasy, káriz jáne t. b.) júkteme artatyn salynyp jatqan aýdanǵa jatady. Sol aýdanda ákim nóser káriziniń qurylysyn qaıta bastaýdy tapsyrǵan.. Nóser káriziniń qýaty Myńjyldyq alleıasy jáne vokzal aýdanyndaǵy júktemeni azaıtýǵa múmkindik berip qana qoımaı, turǵyndar men obektiler sanynyń kóbeıýine baılanysty odan ári júktemelerdi eskere otyryp esepteledi.
«Uly Dala dańǵylynda ornalasqan nóser káriziniń problemalyq ýchaskesin aıaqtaý qajet. Sonymen qatar jaýyn-shashyn kóp bolǵan kezde sý astyna ketetin birqatar problemalyq ýchaskeler bar: bul - B.Momyshuly dańǵyly, «Molodejnyı» shaǵyn aýdany jáne t. b. Olar boıynsha qurylys osy jyly aıaqtalady.
Osylaısha nóser kárizderiniń birqatar problemalyq máseleleri sheshiledi. «Molodejnyı» shaǵyn aýdanyndaǵy tazartý qurylysynyń ústinde abattandyrý, kógaldandyrý jumystary júrgizilgen alań bolady. Osy baǵyt boıynsha jumystardy júıeli túrde júrgizemiz», dep jazdy qala ákimi.
