DDU basshysynyń aıtýynsha, 26 eldiń jeteýi ekpe naýqanyn bastaýy múmkin. Taǵy bes el jaqyn arada vaksına alýy tıis. Qalǵan 14 el ımmýndaý jumystaryn túrli sebepterge baılanysty bastamaǵan. Áıtse de birqatar memleket aldaǵy ýaqytta vaksınalaýdy bastaýdy josparlap otyr.
Djons Hopkıns ýnıversıtetiniń deregine súıensek, álemde koronavırýspen 132,5 mln adam aýyrǵan, 2,8 mln adam qaıtys boldy. Qazirgi kezde álem boıynsha eń aýyr epıdemııalyq ahýal Brazılııada baıqalady. Onda bir táýlikte 4 myńnan asa adam qaıtys boldy. Eldegi Covid-19 qurbandarynyń sany 337 myńǵa jetip, Brazılııa álemde ólim sany boıynsha AQSh-tan keıingi ekinshi orynda tur. Ýshyqqan jaǵdaıǵa qaramastan, Brazılııa prezıdenti Jaır Bolsonarý lokdaýn men vırýstyń taralýyn tejeıtin kez kelgen sharanyń engizilýine qarsy shyǵyp otyr.
