Parlament • 14 Sáýir, 2021

Májilis EAEO týraly shart aıasynda jańa ratıfıkasııalyq zań jobalaryn maquldady

14 ret kórsetildi

Májilis Spıkeri Nurlan Nyǵmatýlınniń tóraǵalyǵymen jalpy otyrysta, Palata depýtattary birqatar jańa ratıfıkasııalyq zań jobasyn maquldady, dep habarlaıdy Egemen.kz Májilistiń baspasóz qyzmetine silteme jasap.

Atap aıtqanda, Eýrazııalyq ekonomıkalyq odaq týraly shartqa Qyrǵyz Respýblıkasynyń qosylýyna baılanysty EAEO quqyǵyna kiretin jekelegen halyqaralyq sharttardy jáne EAEO organdarynyń aktilerin qoldanýy jónindegi jaǵdaılar men ótpeli erejeler týraly 2015 jylǵy 8 mamyrdaǵy hattamaǵa ózgeris engizý týraly hattamany ratıfıkasııalaý týraly zań jobasy maquldandy. 

Qujat Qyrǵyz Respýblıkasy úshin ótpeli kezeńdi Eýrazııalyq ekonomıkalyq odaqtyń biryńǵaı kedendik tarıfterin tolyq ımplementasııalaýǵa deıin uzartý jónindegi ýaqdalastyqtardy iske asyrýǵa baǵyttalǵan. Sonymen qatar, úshinshi elderden ákelinetin keıbir taýarlarǵa qatysty Qyrǵyz Respýblıkasy qoldanatyn kedendik-tarıftik retteý salasyna túzetýler engizý qamtylǵan.

Osy rette, Májilis Tóraǵasy Nurlan Nyǵmatýlın halyqaralyq sharttardy ratıfıkasııalaý rásimderiniń merzimderi keıbir mınıstrlikter tarapynan júıeli túrde buzylatynyna nazar aýdardy. Mysaly, Eýrazııalyq ekonomıkalyq odaq sheńberinde osy mańyzdy ratıfıkasııany kelisýdiń memleketishilik rásimderin ótkizý bir jyldam astam ýaqytqa sozylǵan.

- Pandemııa mınıstrlikter jumysynyń qarqynyn, sapasyn jáne jaýapkershiligin tómendetýge sebep bolmaýǵa tıis. Bul jerde basty másele, quzyrly mınıstrlikter men qurylymdardyń birlesken jumysyna baılanysty. Jalpy aıtqanda, halyqaralyq kelisimderdi ýaqytyly ratıfıkasııalaý ıntegrasııalyq prosester úshin óte mańyzdy, - dedi Nurlan Nyǵmatýlın.

Búgingi otyrysta Palata Eýrazııalyq ekonomıkalyq odaq týraly shartqa Armenııanyń qosylýy týraly 2014 jylǵy 10 qazandaǵy shartqa ózgerister engizý týraly hattamany ratıfıkasııalaý týraly zań jobasyn maquldady.  

Hattama Armenııa Respýblıkasy úshin ótpeli kezeńdi Eýrazııalyq ekonomıkalyq odaqtyń biryńǵaı kedendik tarıfterin tolyq ımplementasııalaýǵa deıin uzartý jónindegi ýaqdalastyqtardy iske asyrýǵa baǵyttalǵan.

Sondaı-aq búgin Palata depýtattary jer qatynastary máseleleri boıynsha zań jobasyn ekinshi oqylymda maquldady.

Zań jobasyn qaraý barysynda depýtattar zań jobasyn engizý maqsatyn kúsheıtýge baǵyttalǵan túzetýler engizdi. Atap aıtqanda, sheteldik azamattar men zańdy tulǵalar, sheteldik qatysý úlesi bar birlesken kásiporyndar zańdy tulǵa qatysýshylarynyń quramyna kirgen jaǵdaıda, sondaı-aq zańdy tulǵa qatysýshysynyń Qazaqstan Respýblıkasynyń azamattyǵy toqtatylǵan kezde aýyl sharýashylyǵy jerlerin ıelikten shyǵarý rásimderi kózdelgen.

Buǵan qosa, Qazaqstan Respýblıkasynyń qoldanystaǵy zańnamasyna sáıkes keltirýge baǵyttalǵan redaksııalyq-naqtylaý sıpatyndaǵy túzetýler qabyldandy, sondaı-aq zań jobasynyń erejeleri bir-birimen úılesken. 

Otyrys sońynda Májilis depýtattary memlekettik organdar basshylaryna depýtattyq saýaldar joldady. Olar: A.Raý, V.Kım, A.Mılıýtın, E. Smaılov, D.Turǵanov, S.Reshetnıkov, J. Ahmetbekov, Q.Isa, B.Tileýhan, E.Erýbaev, B.Ramanqulov, Ǵ.Eleýov, B.Bularov, A.Lınnık.

Sońǵy jańalyqtar

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

Tarıhı shyndyqty moıyndaǵan jazba

Tarıh • Búgin, 07:35

«Tumardyń» jeńimpazdary anyqtaldy

Oqıǵa • Búgin, 07:33

О́zekti máselelerge nazar aýdaryldy

Parlament • Búgin, 07:26

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar