Qazaqstan • 14 Sáýir, 2021

Turǵyn úı baǵasy qashan turaqtaıdy

69 ret kórsetildi

Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev mamyrda jyljymaıtyn múlik naryǵyndaǵy baǵanyń ósýi túpkilikti toqtaıtynyn, baǵalar turaqtanatynyn málimdedi, dep habarlaıdy Egemen.kz.

– Biz apta saıyn jyljymaıtyn múlik baǵasyn baqylap otyramyz. Jańa baǵdarlama engizilgennen keıin turǵyn úı baǵasy kóterile bastady, bastapqy naryqtaǵy turǵyn úı qańtarda 3 paıyzǵa, qaıtalama naryqtaǵy turǵyn úı 17 paıyzǵa qymbattady. Naýryzda baǵanyń ósýi toqtady: birinshisi 0,5 paıyzǵa, al ekinshisi 2 paıyzǵa qymbattady. Sáýir men mamyr aılarynda ósim toqtaıdy, al maýsym men shildede baǵalar turaqtanady dep oılaımyz, – dedi О́skenbaev.

«Otbasy bank» basshysy Lázzat Ibragımovanyń pikirinshe, elimizde jyljymaıtyn múlikke úlken suranys týdyratyn faktorlar joq.

– Biz baǵalarǵa taldaý júrgizemiz jáne álemdik konıýnktýrada qurylysta paıdalanylatyn shıkizat pen materıaldar baǵasynyń óskenin kórip otyrmyz. Sonymen qatar, jyljymaıtyn múliktiń ózindik baǵasynda eńbek resýrstarynyń quny óte úlken úles alady. Qazaqstandaǵy ortasha jalaqy statıstıkasyna qarasaq, 2020 jyldyń tórtinshi toqsanynyń qorytyndysy boıynsha 233 136 teńge, al 2019 jyldyń qorytyndysy boıynsha 168 489 teńge boldy. Búgin resmı statıstıka shyqty, birinshi toqsannyń qorytyndysy boıynsha nomınaldy ortasha jalaqy shamamen 11 paıyzǵa ósti. Tıisinshe, kranshylardyń, monolıt quıýshynyń, qurylys kompanııalaryndaǵy árleýshilerdiń eńbegi jyljymaıtyn múliktiń bastapqy naryǵyna áser etedi. Biz óz tarapymyzdan taldaý júrgizip, jyldyń ekinshi jartysynda, buǵan deıin boljaǵanymyzdaı, mamyrdyń sońy men maýsymnyń basynan bastap baǵa naryǵy turaqtanady dep oılaımyz, – dep qosty ol.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar