Álem • 15 Sáýir, 2021

Ever Given Mysyrda qaldy

5 ret kórsetildi

Mysyr bıligi Sýes kanalyna qaırańdap qalǵan júk kemesi Ever Given-di tárkiledi. Kemeniń ıesi álemdik saýdaǵa úlken shyǵyn ákelgen oqıǵanyń ótemaqysyn tólemeıinshe, Ever Given endi ornynan qozǵalmaıdy.

 

Qazirgi tańda taraptar ótemaqynyń kólemi qansha bolýy qajet ekenine kelise almaı jatyr. Mysyr tarapy oqıǵadan kelgen shyǵyndy 1 mlrd dollarǵa jýyq somaǵa baǵalap otyr.

О́z kezeginde kemeniń ıesi japonııalyq Shoei Kisen Kaisha salynǵan ótemaqy mólsherimen kelispeıdi. Áıtse de, kompanııa ókili Rýı Mýrakoshıdiń aıtýyn­sha, qazirgi tańda Mysyr bıligimen kelissózder jalǵasyp jatyr.

Sýes kanaly ákimshiligi tóraǵasy Osama Rabıdiń aıtýynsha, ótemaqy kólemi qutqarý jumystaryna, kanal jaǵalaýyna kelgen zardapqa jáne árli-berli ótken kemelerden túsetin qarajattyń toqtap qalýyna baılanysty eseptelgen.

Jergilikti buqaralyq aqparat quraldaryna súıensek, Mysyr soty Ever Given-niń ıesi ótemaqyny tolyq tólemegen jaǵdaıda kemeni ózderinde alyp qalýǵa sheshim shyǵarǵan.

Esterińizde bolsa, naýryz aıynyń sońynda Sýes kanalynda iri júk kemesi qaırańǵa shógip qalyp, eń mańyzdy sý jolynyń birin bógep tastady. Bul jaǵdaı tipti taýarlardy jetkizý tizbegindegi daǵdarystyń kúsheıý qaýpin týdyrǵan. 29 naýryzda keme qaırańnan bosatyldy. Sáýirdiń basynda Sýes kanalyndaǵy qozǵalys qalpyna keldi.

 

 

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar