Aımaqtar • 15 Sáýir, 2021

Sot sheshimin oryndamaǵan azamat qamaýǵa alyndy

23 ret kórsetildi

Qyzylorda oblysy boıynsha QAJ departamentiniń Jańaqorǵan aýdandyq probasııa qyzmeti ıspektorlary sottalǵandar tarapynan jasalatyn quqyqbuzýshylyqtardyń aldyn alý maqsatynda júıeli jumystar júrgizip jatyr, dep habarlaıdy Egemen.kz

Jaqynda aýdandyq sotta probasııalyq baqylaýdaǵy azamatqa qatysty sot otyrysy ótti.

«Probasııa esebindegi B esimdi azamat sot belgilengen mindetterdi oryndamaı, jaza óteý merziminde ózin teris jaǵynan kórsetip keldi. Sonymen qatar, ol belgilengen kúnderi probasııa qyzmetine tirkelýge birneshe ret sebepsiz kelmeı qalǵan, tekserý kezinde meken jaıynda bolmaǵan. Odan bólek, qoǵamdyq ornynda alkogoldik ishimdik iship, masań kúıinde júrgeni oǵan ýchaskelik ınspektor QR ÁQBtK-niń 440-babynyń 1-bóliginiń talaptaryn buzǵany úshin ákimshilik hattama toltyryp, aıyppul salynǵan», dedi aýdandyq probasııa qyzmetiniń ınspektory ádilet kapıtany J.Ismaılova.

Sottalǵan azamattyń joǵaryda atalǵan zańbuzýshylyqtaryna sáıkes, Jańaqorǵan aýdandyq probasııa qyzmetimen oǵan qatysty bas bostandyǵyn shekteý túrindegi jazanyń ótelmegen merzimin bas bostandyǵynan aıyrý jazasyna aýystyrý úshin sotqa usynym joldanǵan.

Sot sheshimimen, onyń bas bostandyǵyn shekteý túrindegi 2 jyl 3 aı ótelmegen jazasy bas bostandyǵynan aıyrý jazasyna aýystyrylyp, jazasyn odan ári óteý úshin túzeý mekemesine jiberildi.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar