Aımaqtar • 15 Sáýir, 2021

Qarttar úıiniń býhgalteri 10 mln teńge jymqyrǵan

231 ret kórsetildi

Soltústik Qazaqstan oblysy «Smırnov» áleýmettik qyzmet kórsetý ortalyǵynyń býhgalteri 10 mln teńgeden artyq memleket qarjysyn qaltasyna basqan, dep habarlaıdy Egemen.kz QazAqparatqa silteme jasap.

SQO sybaılas jemqorlyqqa qarsy qyzmettiń jetekshisi Jarqyn Ǵalymov «Smırnov» áleýmettik qyzmet kórsetý ortalyǵynyń býhgalteri A.E. Sársembaevaǵa qatysty qylmystyq istiń mán-jaıyn aıtty.

Sotqa deıingi tergeý barysynda Sársembaeva 2017 jyldyń qańtarynan bastap 2020 jyldyń qazan aıyna deıin qyzmettik laýazymyn paıdalana otyryp memleket qarjysyn jymqyrǵan. Ol aram oıyn iske asyrý úshin «Kaznacheıstvo-Klıent» baǵdarlamasyn paıdalanyp, bos oryndar esebinen únemdelgen qarjydan ózine zańsyz eńbekaqy, syıaqy jazyp otyrǵan. Sársembaeva ortalyq jetekshisi A.B.Sembaevanyń senimine kirip, onyń elektrondy-sıfrlyq qoltańbasyn alyp alǵan. Osylaısha tıisti býhgalterlik qujattarǵa qol qoıyp otyrǵan.

3 jyl 8 aıdyń ishinde Sársembaeva óziniń bank kartochkasyna 10 mln 371 myń 857 teńgeni zańsyz aýdaryp, memleketke shyǵyn keltirgen.

Sot 25 naýryz kúni Sársembaevany kináli dep taýyp, probasııalyq baqylaýmen 5 jylǵa bostandyǵyn shektedi. Sondaı-aq 5 jyl boıy ol memlekettik qyzmette, jergilikti basqarý organdarynda, kvazımemlekettik sektordyń sýbektilerinde qarjymen baılanysty qyzmetterde jumys isteı almaıdy.

10 sáýir kúni sot úkimi zańdy kúshine endi.

«Sársembaevanyń kóp jyl boıy memleket qarjysyn qaltasyna basýyna Sembaevanyń elektrondy-sıfrlyq qoltańbany zańsyz berýi sebep bolǵan. Osylaısha ortalyq jetekshisi laýazymdyq mindetterin oryndaýda salaqtyq tanytqan. Al 2018 jyly 19 aqpan men 16 naýryz aralyǵynda Smırnov áleýmettik qyzmet kórsetý ortalyǵyn SQO boıynsha revızııalyq komıssııa teksergen. Memlekettik aýdıtor Sársembaeva bas býhgalter bolyp turǵan aralyqty – 2015 jyldyń 1 qarashasynan 2017 jyldyń 31 jeltoqsanyna deıin teksergen. Biraq bıýdjet qarajatyn urlaýǵa baılanysty derekterdi anyqtamaǵan», deıdi Jarqyn Ǵalymov.

SQO sybaılas jemqorlyqqa qarsy qyzmeti ortalyqty tekserýge NAK «Kókshe-Konsaltıng» JShS tartyp, jeke aýdıtorlyq kompanııa A.E. Sarsembaevanyń ózine negizsiz 10 mln artyq teńgeni aýdarǵanyn anyqtady.

 

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar