Álem • 15 Sáýir, 2021

Túrkııa: Bir táýlikte 50 myń adamnnyń vırýs juqtyrǵany anyqtaldy

30 ret kórsetildi

Túrkııada sońǵy tórt kúnde 200 myńdaı adam vırýs juqtyryp, naýqastardyń sany kúrt ósken, dep habarlaıdy Egemen.kz

Munyń bári vırýsqa qarsy qatań sharalar aıasynda ótip jatqan musylmandardyń Ramazan aıynyń bastalýymen tuspa-tus kelip otyr.

«Sońǵy ýaqytta vırýs juqtyrýshylar men ólim-jitim sany artty, bul  bizdi iri qalalardaǵy antıvırýstyq sharalardy qaıta qatańdatýǵa májbúr etip otyr», dedi el prezıdenti Redjep Taıyp Erdoǵan úkimet úıiniń baspasóz otyrysynda.

Sońǵy aptada eldegi ınfeksııalyq jaǵdaıdyń kúndelikti sany 50 myńnan tómendegen joq. Bul óte joǵary kórsetkish.

«Bizdiń endigi maqsatymyz – Ramazannyń alǵashqy eki aptasynda jaǵdaıdy áldeqaıda tómendetý. Eger biz osy nátıjege qol jetkize almasaq, onda qatań sharalardyń qabyldanýy sózsiz bolady.   Qatań shara degenimiz – kóshege shyǵýǵa qatań tyıym salý. Kóshede júretin adam azaısa ınfeksııanyń da beti qaıtar edi», dedi Túrkııa prezıdenti.

Túrkııa densaýlyq saqtaý mınıstrliginiń basshysy Fahrettın Kojanyń aıtýynsha, túrik epıdemııasynyń bir ereksheligi – qazirgi júrip jatqan ınfeksııanyń jaǵdaılary shamamen 85 paıyzy ótken jyly kúzde ótip ketken, ol ulybrıtanııada tabylǵan koronavırýstyń jańa shtamdyq belgileri.  Túrkııa densaýlyq saqtaý mınıstri elde dál qazir bolyp jatqan jaǵdaılardy ınfeksııa deńgeıiniń jańa shyńy dep sıpattap, eger bul kórsetkish tómendemese, onda Túrkııada buryn-sońdy bolmaǵan shekteý sharalaryn engizetinin málimdedi.

 

Gaýhar QAPASh

Sońǵy jańalyqtar

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar