Saıasat • 15 Sáýir, 2021

Partııanyń Petropavldaǵy fılıaly aldaǵy atqarar jumysty naqtylady

7 ret kórsetildi

«Nur Otan» partııasy SQOF Saıası keńes Bıýrosynyń otyrysynda Soltústik Qazaqstan oblysy boıynsha saılaýaldy baǵdarlamasynyń baǵyttaryn iske asyrý jónindegi óńirlik qoǵamdyq keńesterdiń tóraǵalary men quramy bekitildi, dep habarlaıdy Egemen.kz.

12 óńirlik keńestiń quramyna máslıhat depýtattary, partııa jaqtastary, belsendiler, sarapshylar, blogerler, qoǵamdyq birlestikter men BAQ ókilderi endi. Sonymen birge Petropavl qalasynda jáne oblystyń 13 aýdanynda 141 aýmaqtyq keńes quryldy. Jalpy, keńes quramyna 800-den astam adam kiredi.

Olar saılaýaldy baǵdarlamanyń О́ńirlik damý, ekologııa, agrarlyq sektor, ekonomıka jáne kásipkerlikti qoldaý, Ult densaýlyǵy, bilim jáne ǵylym, jumyspen qamtý jáne áleýmettik osal toptardy qoldaý, mádenıet, otbasy, áıelder jáne balalardyń quqyqtaryn qorǵaý máseleleri, jastardy qoldaý baǵyttary boıynsha iske asyrylýyn baqylaýmen aınalysatyn bolady. «Nur Otan» partııasy óńirlik fılıalynyń tóraǵasy, SQO ákimi Qumar Aqsaqalov keńesterdiń jumysy qoǵamdyq pikirdi jáne qoǵamdyq qabyldaý bólmelerine kelgen azamattardyń ótinishterin taldaýdy eskere otyryp, ashyq formatta qurylǵanyn atap ótti.

«Jyl sońyna qaraı Memlekettik organdardyń basshylary saılaýaldy baǵdarlamany iske asyrý máselesi boıynsha tyńdalady. Sondyqtan barlyq keńester jyl boıy bul máseleni qatań baqylaýy kerek. Bizde 2021-2025 jyldarǵa arnalǵan keshendi jospar bar, onyń aıasynda sút fermalary, bordaqylaý alańdary, qus fabrıkalary bolady, eldimekenderde mektepter, medısınalyq obektiler qaıta qurylady. 5 jyl ishinde 2 mln sharshy metrden astam turǵyn úı salynady, kóp beıindi aýrýhananyń qurylysy jalǵasady. О́ńirde Nazarbayev University qaǵıdaty boıynsha jumys isteıtin jańa joǵary oqý orny, 3 myń oryndyq úlken sport kesheni salynady. Keńes músheleriniń jumysy kóp, sondyqtan tıisti baqylaýdy qamtamasyz etý qajet», dedi Qumar Aqsaqalov.

Sońǵy jańalyqtar

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar