Koronavırýs • 15 Sáýir, 2021

Karantın rejımin saqtamaý ólim sanyn arttyrýy múmkin – dárigerler

3402 ret kórsetildi

Elordada epıdemııalyq jaǵdaı turaqsyz kúıinde qalyp otyr. Dárigerler onyń negizgi sebebin turǵyndardyń karantın talaptaryn saqtamaýymen baılanystyrady, dep habarlaıdy Egemen.kz Nur-Sultan ákimdiginiń resmı saıtyna silteme jasap.

Nur-Sultan qalasy epıdemıologııalyq jaǵdaıdy baǵalaý matrısasy boıynsha bir aıdan astam ýaqyt «qyzyl aımaqta» tur. Kúnine KVI aýrýynyń 300-den 650-ge deıin jaǵdaıy tirkeledi.

Aldyńǵy aptamen salystyrǵanda (2923) bir aptada syrqattanýshylyqtyń (3471) 1,2 ese nemese 19%-ǵa ósýi baıqalady.

Syrqattanýshylyqtyń eń joǵary deńgeıi eresekter arasynda tirkeledi, ıaǵnı barlyq syrqattanǵandardyń 79,6%-yn quraıdy, al balalar 17,6%-dy, jasóspirimder 2,8%-dy quraıdy.

Koronavırýstyq ınfeksııany tirkeýdiń jáne onyń ósýiniń negizgi sebebi turǵyndardyń karantındik sharalardy saqtamaýynan bolyp otyr.

Aıta keteıik, Nur-Sultanda 1 aqpannan bastap COVID-19-ǵa qarsy vaksınasııa bastaldy. Vaksınasııa — koronavırýstyq ınfeksııaǵa qarsy turýdyń jalǵyz ádisi. О́mirdiń qalypty jaǵdaıyna oralý úshin vırýspen tıimdi kúresýdiń kezeńinen ótý kerek.

Nur-Sultan qalasynyń sanıtarlyq-epıdemıologııalyq baqylaý departamenti qala turǵyndaryn atalǵan sharalarǵa túsinistikpen qaraýǵa jáne shydamdylyq tanytýǵa shaqyrady. Karantın rejımin buzýdyń saldary koronavırýs qurbandarynyń sanyn arttyrýy múmkin. Negizgi qaýip tobyna sozylmaly aýrýlary bar adamdar jáne aǵa býyn ókilderi jatady. Pandemııa kezinde áleýmettik qashyqtyq jáne vaksınasııa óte mańyzdy ekenin umytpańyz.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar