Parlament • 16 Sáýir, 2021

Senatorlar ulttyq qaýipsizdiktiń jumysyn jetildirý máselesin talqylady

14 ret kórsetildi

QR UQK men UQK Akademııasy basshylyǵynyń qatysýymen Senattyń Halyqaralyq qatynastar, qorǵanys jáne qaýipsizdik komıtetiniń otyrysy onlaın formatta ótti, dep habarlaıdy Egemen.kz.

Otyrys «Qazaqstan Respýblıkasynyń Ulttyq qaýipsizdik organdary – 30 jyl táýelsizdik kúzetinde» taqyrybyna arnaldy.

Beıindi komıtettiń tóraǵasy Muhtar Qul-Muhammed kezdesýdi asha otyryp, ulttyq qaýipsizdik júıesin jáne arnaıy qyzmetterdiń tıimdi qyzmetin qamtamasyz etý jónindegi zańnamalyq bazany qalyptastyrý jáne odan ári jetildirý prosesi táýelsizdik alǵan alǵashqy kúnderden bastalǵanyn jáne búgingi kúnge deıin jalǵasyp kele jatqanyn atap ótti.

«Sońǵy birneshe jyl ishinde qarsy barlaý qyzmetiniń quqyqtyq negizderin aıqyndaýǵa, terrorızm men ekstremızmge qarsy is-qımyl júıesin jetildirýge, onyń ishinde olardy qarjylandyrýǵa, sondaı-aq basqa da máselelerdi sheshýge baǵyttalǵan birqatar zańdar qabyldandy», dedi Muhtar Qul-Muhammed.

Senat depýtattary QR UQK tóraǵasynyń orynbasary general-maıor Marat Qolqabaevtyń baıandamasyn tyńdady. Ol Parlament depýtattarynyń qoldaýymen «Qazaqstan Respýblıkasynyń arnaýly memlekettik organdary týraly» jáne «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń arnaýly memlekettik organdary máseleleri boıynsha ózgerister men tolyqtyrýlar engizý týraly» zańdar qabyldanyp, olar eldiń ulttyq qaýipsizdik organdarynyń júıesin jańa deńgeıge shyǵarǵanyn atap ótti.

UQK Akademııasynyń bastyǵy Tańat Júnisov senatorlardy kásibı, bilikti mamandardy daıarlaýdy maqsat etken oqý ornynyń mıssııasy týraly aıtyp berdi, sondaı-aq bolashaqta Akademııa ulttyq qaýipsizdik organdarynyń bilim berý, oqý-ádistemelik jáne ǵylymı ortalyǵy bolatyn korporatıvtik kóp beıindi joǵary oqý ornyna aınalatynyn jetkizdi.

«Tájirıbege baǵyttalǵan oqý prosesin qamtamasyz etý maqsatynda biz modýldik oqytýdyń ózindik tehnologııasyn engizdik. Onyń negizi retinde bolashaq jumys týraly júıeli túsinik qalyptastyratyn qarsy barlaý prosesi alynyp otyr», dedi UQK Akademııasynyń bastyǵy.

Otyrys barysynda osy saladaǵy quqyqtyq bazany odan ári jetildirý boıynsha usynystar aıtyldy.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar