«Buryn halyqaralyq arenada túrki áleminiń bytyrańqy bolǵany ózgeler úshin qolaıly edi, alaıda keıingi jyldary birligi jarasqan túrki memleketteri men túrki uıymdary jańa belesterdi baǵyndyryp jatyr», deıdi Syrtqy ister mınıstriniń orynbasary.
Sonymen birge Shahrat Nuryshev túrki áleminiń aıasyndaǵy jan-jaqty yntymaqtastyqty odan ári damytýǵa ereshke nazar aýdarýymyz qajet ekenin jetkizdi.
«О́ıtkeni Qazaqstan túrki áleminiń qara shańyraǵy retinde túrki ıntegrasııasyn odan ári damýyn qoldaıdy. Qazirgi tańda túrki yntymaqtastyǵyn tereńdetýge baǵyttalǵan bes halyqaralyq túrki uıymynyń tórteýi, naqtyraq aıtqanda, Qazaqstannyń bastamasymen Túrki keńesi, TÚRKSOI, TúrkPA, Túrki Akademııasy quryldy», deıdi Shahrat Nuryshev.
Osy tusta Syrtqy ister mınıstriniń orynbasary qazirgi tańda sonyń úsheýine Qazaqstan azamattary rotasııalyq negizde abyroımen basshylyq etip, túrki ıntegrasııasyna bar kúshin salyp qyzmet etip kele jatqanyn alǵa tartady.
«Biz túrki saýda ónerkásip palatasymen halyqaralyq túrki yntymaqtatsyq uıymdaryn úılestirý komıtetin qurdyq. Túrki keńesi ókildiginiń eýropanyń qaq tórinde Býdapeshte ashylǵanyn joǵary baǵalaımyz. Qazirgi kezde túrki ınvestısııalyq-ıntegrasııalyq qoryn qurý boıynsha júrgizilip jatqan jumystarǵa barynsha qoldaý kórsetýge daıynbyz», deıdi Shahrat Nuryshev.
