Qoǵam • 18 Sáýir, 2021

7 mamyrǵa arnalǵan merekelik sharalar qalaı ótedi

52 ret kórsetildi

7 mamyrǵa arnalǵan merekelik sharalar Qazaqstanda da Jeńis kúnine arnalǵan sherý bolmaıdy. Al Otan qorǵaýshylar kúnine arnalǵan sharalardyń basym bóligi onlaın formatta ótedi, dep habarlaıdy Egemen.kz Qorǵanys mınıstrligine silteme jasap.

 

QR Qorǵanys mınıstrligi Tárbıe jáne ıdeologııalyq jumystar departamentiniń ókili, polkovnık Vıtalıı Adamovıch merekege oraı qalalar men óńirlerde shaǵyn sherýler uıymdastyryla ma degen suraqqa jaýap berdi.

«Árıne, Qarýly Kúshter ardagerlerine qurmet kórsetý sanıtarlyq-epıdemıologııalyq talaptardy eskere otyryp, elimizdiń barlyq óńirlerinde ótedi. Iаǵnı, is-sharalar negizinen onlaın formatta ótedi. Oǵan qosa bizdiń «Jas sarbaz» qozǵalysy birqatar sharalar josparlap otyr. Jas patrıottar da Qarýly Kúshterdiń ardagerlerin quttyqtaıdy. Ár óńirdiń epıdemıologııalyq jaǵdaıy (qyzyl, sary, jasyl aımaqtar) múmkindik berse, tıisti saltanatty jınalystar ótkizilip, ardagerler áskerı bólimderge shaqyrylady, onda qyzmet etý tájirıbesi týraly aıtady. Negizgi uıymdastyrylatyn is-sharalar osy», dedi Vıtalıı Adamovıch vedomstvonyń onlaın-brıfınginde.

A

Spıker merekelik is-sharalar áleýmettik jelilerden kórsetile me jáne olardy qazaqstandyqtar kóre ala ma degen suraqqa da jaýap berdi. «7 mamyr jáne Uly Otan soǵysyndaǵy Jeńis kúni – barlyq qazaqstandyqtar úshin aıtýly kúnder. Árıne, biz respýblıkalyq telearnalarda da, Qorǵanys mınıstrliginiń Youtube-arnasynda da, «Jas sarbaz» qozǵalysynyń Youtube-arnasynda jáne basqa da áleýmettik jelilerde birqatar kórsetilim josparladyq. Biz Qarýly Kúshterdiń ardagerleri men Uly Otan soǵysynyń ardagerlerine qurmet kórsetý úshin ótkiziletin barlyq sharalardy kórsetýge tyrysamyz», dep atap ótti V. Adamovıch.

Sonymen birge, qazaqstandyqtar 7 mamyrda saǵat 15.30-da «Habar» telearnasynan kórsetiletin merekelik baǵdarlamany tamashalaı alady.



Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar