Pandemııa bastalǵaly beri elimizde kınoteatrǵa barýshylardyń legi azaıyp, birshama óner týyndylary jaryqqa shyqpaı qalǵan edi. Dese de, bir kezeńde epıdemııalyq ahýal turaqtalyp, qalyń kórermen tıisti sanıtarlyq talaptarǵa sáıkes otyrǵyzylatyn boldy.
Sarapshylar eń qymbat bıletter Shymkentte (2,6 myń teńge), Atyraýda (2,5 myń teńge) jáne Aqtóbede (2,1 myń teńge) ekenin aıtty.
Eń arzan bıletterdi Túrkistan qalasynyń turǵyndary satyp ala alady (800 teńge). Bıletterdiń baǵasy bir jyl ishinde tek Qostanaıda (3,5%, 1,3 myń teńgege deıin) jáne Semeıde (2,7%, 1,1 myń teńgege deıin) tómendegen.
О́kinishke qaraı, ónerdiń bul salasy aıtarlyqtaı daǵdarysqa ushyrady. Sebebi 2020 jyldyń qańtar-jeltoqsan aılarynda kıno jáne vıdeoóndiris jáne dybys jazý salasynda tek 41 mlrd teńgege qyzmetter kórsetildi. Bul byltyrǵy jylmen salystyrmaly túrde alǵarda 37,4 paıyzǵa az.
Osy oraıda kınogerler otandyq prokat úshin indettiń beleń alýy qatty soqqy bolǵanyn aıtady. Búginde elimizde jalpy túsirilimder sany 52,1%-ǵa túsip ketken.
Memlekettik ulttyq kınony qoldaý ortalyǵynyń málimetteri boıynsha kınoteatrlardyń ortasha tolý syıymdylyǵy búginde 10 paıyzǵa áreń jetip otyr.
