Bıyl ekologııany jaqsartý jáne qala turǵyndaryna qolaıly jaǵdaı jasaý úshin 1 mln-ǵa jýyq jasyl jelek (aǵashtar, kóshetter, butalar, aǵash sharbaqtar) otyrǵyzý josparlanyp otyr. Qalany taza ustaý jáne abattandyrý jumystary 24/7 rejıminde júrgiziledi.
Birinshi. Sanıtarlyq tazalaý jáne abattandyrý
Aýqymdy jumystarǵa kún saıyn 2 200-den astam jol jumysshy jáne bir myńnan astam arnaıy tehnıka jumyldyrylady. Onyń barysynda kópirlerdi, qorshaýlardy, jol belgilerin jýý, qoǵamdyq oryndarda (saıabaqtar, skverler, býlvarlar, aýlalar) tazalyq jumystaryn júrgizý, oramishilik abattandyrý, qýrap qalǵan butaqtardy kesý sondaı-aq, elorda joldaryn uzaqqa sozylǵan qystan keıin arnaıy sýsabynmen jýý josparlanyp otyr.
Ekinshi. Ekologııalyq aksııalar jáne kommýnaldyq senbilikter
10 sáýirden bastap qalada «Birge taza Qazaqstan» ekologııalyq aksııasy ótkizilýde. Osy kezeńde polıgonǵa 940 tonnadan astam qaldyq shyǵaryldy. Sanıtarlyq normalardy saqtaı otyryp, kommýnaldyq senbilikterge PIK, qurylys kompanııalary, shaǵyn jáne orta bıznes sýbektileri, belsendi qala turǵyndary jáne t.b. ujymdar belsendi qatysýda.
Mysaly, ákimdiktiń tapsyrmasy boıynsha qurylys kompanııalary aýmaqty qoqystan tazartý jumystaryn júrgizip, dóńgelek jýý pýnktterin ashady, kireberis joldardy tegisteıdi jáne ózge de abattandyrý erejeleri buzylǵan jaǵdaıda qurylys kompanııalary aıyppul tóleýge, jumystaryn toqtatýǵa deıingi sharalar qoldanylady.
Jalpy alǵanda, kommýnaldyq senbilikterge qalanyń 1900-ge jýyq kásiporyndary men uıymdary qatysty. Aýdandyq ákimdikter sondaı-aq aǵash otyrǵyzý jumystaryn júrgizip, ruqsat etilmegen oryndardan 72 tonna qoqys shyǵardy.
Úshinshi. Aǵash otyrǵyzý
Ekologııany jaqsartý jáne qala turǵyndaryna qolaıly jaǵdaı jasaý úshin aǵash otyrǵyzý jumystary júrgizilýde. Bıyl barlyǵy 1 mln-ǵa jýyq jasyl jelek (aǵashtar, kóshetter, butalar, aǵash sharbaqtar) otyrǵyzý josparlanyp otyr. Osylaısha, Nur-Sultanda jasyl ekologııalyq aımaqtar paıda bolady.
Tórtinshi. Jol jumystary
Qalada birqatar jol jumystary júrgizilýde: belgiler ornatý, jıektastardy qalpyna keltirý, shuńqyrlardy jóndeý jumystaryn júrgizý. О́tken jyly 170-ten astam kóshe jóndeldi, onyń 100-i turǵyn úı alaptarynda ornalasqan. Bıyl sondaı-aq qalanyń eski bóligine, turǵyn úı alaptaryna, qozǵalys qarqyndylyǵy joǵary ýchaskelerge jáne t.b. basa nazar aýdarylatyn bolady.
