Pikirsaıys, negizinen, tarıhy tereń qozǵalys. Ejelgi Grekııadaǵy Afıny demokratııasyndaǵy saıası jáne fılosofııalyq pikirtalastar, Ejelgi Úndistandaǵy «Shastrartha» («Shastranyń», ıaǵnı qasıetti jazýlardyń túpki mánin anyqtaýǵa baǵyttalǵan ıntellektýaldy pikirtalas) pikirtalastyń kóne zamannan bastalǵanyna dálel bola alady. Osylaısha, pikirsaıys burynǵy kezderden-aq memlekettiń saıası ómirinde mańyzdy oryndy alyp otyrǵan.
Qanshama ǵasyrlar ótse de, pikirtalastyń shet elderdegi mańyzy túse qoımaǵan. Brıtan Parlamentindegi pikirtalastar Parlament pen partııalardyń jumysynyń, ondaǵy sheshim qabyldaýdyń kórinisi bolsa, AQShtaǵy Prezıdenttik saılaý barysyndaǵy pikirtalastar daýys berýshilerdi jınaýdyń quraly bolyp tabylady. Ondaǵy halyq ta osyndaı pikirsaıystardy úzbeı kórýge tyrysýda. Pikirsaıys ótetin stadıondar mıllıondap adamdardy jınasa, al bunyń ózi barsha telearnalardan kórsetilýde.
Bundaı halyqaralyq trendten bizdiń el de qalys qalmaýda. Bunyń dáleli retinde Qazaqstanda debattyq qozǵalysty alǵash ret Soros-Qazaqstan qory 1996-2004 jyldary «Debattar» baǵdarlamasyn júzege asyrý arqyly damyta bastady. 1996 jyly trenerlerge arnalǵan alǵashqy trenıngter ótkizildi, keıin olar mektep oqýshylary arasynda debattar ótkizdi. Trenerler oqýshylar arasynda debattar ótkizdi. Trenıngter Qazaqstan boıynsha debattar jelisin keńeıtýge kómektesti. Sońǵy Májilis Parlamentine saılaýda pikirsaıys tehnıkasy engizilgenin baıqadyq. Dese de qoǵam tarapynan, qarapaıym adamdardyń tarapynan pikirsaıysqa úlken bir janashyrlyq tanylyp jatqanyn baıqamadyq.
Qoǵamdyq damýdyń jahandyq aqparattandyrýǵa betburysyn eskeretin bolsaq, qazirgi kezde zamanaýı mektepterdiń aldynda jańa mindetter tur. Onyń ishindegi eń bastysy - adamdardy tulǵa retinde qalyptastyrý, oǵan jaǵdaı jasaý. Eldiń damýy adamdardyń azamattyq qoǵamǵa belsene qatysýynsyz júrmeıtini anyq. Pikirsaıys ta, adamdardyń synı oılaýyn damyta otyryp, óz oıyn qalyptastyrýǵa, bir máselege ártúrli jaqtan qaraýǵa úlken septigin tıgizedi. Balalarymyzǵa da óz kózqarastaryn senimdi túrde dáleldeýge, bilimdi túrde pikirtalastyrýǵa, belgisizdik jaǵdaıynda sanaly tańdaý jasaýǵa, kishipeıil bolýǵa, jańa dostar tabýǵa jáne olardyń áreketteri úshin jaýap berýge kómektesý - mádenı álemniń mańyzdy bóligi.
QR BǴM Respýblıkalyq qosymsha bilim berý oqý-ádistemelik ortalyǵy mektep jáne kolledj pikirsaıysyn damytý maqsatynda túrli pikirsaıys alańdaryn quryp, óz úlesin qosýda. Jobalyq keńseniń ár kúni basqasyna uqsamaıdy. Keńsedegi jumystyń ár kúni – bul turaqty kezdesýler, tájirıbe, vebınarlardaǵy ıdeıalarmen almasý, mektepterdiń, kolledjderdiń keıbir pikirsaıys klýbtarynyń pikirsaıys týrnırlerine qatysýǵa shaqyrý, syndarly pikirtalastar, týrnırlerdi ótkizý erejeleri týraly oqytý shaǵyn fılmderiniń beınetúsirilimderi jáne taǵy basqalar. Jańa tanystardan, dostardan jáne seriktesterden keremet energııa men qanaǵattaný! Onymen qosa, bilim jáne ǵylym mınıstri A. Aımagambetov, debat qozǵalysynyń damýynyń bastaýynda bolǵan, saıası ǵylymdarynyń doktory, ALMAU professory, Ulttyq debat ortalyǵyn basqarǵan Otarbaeva B.Z., Imjarova Z., Raıımkýlova J., Aýkenov E., Kýljan M., Ashım Nartaı, Saılaýqyzy A., Abdanbekov A., Aýbakırov K., Chernııazdanov Ch., Abıshev G., Baıdýısenov A., Baıgaraev D., Darhan Mýhan, Shaıken Makajan, Bekbasova Janar sekildi jáne basqa da ardager pikirsaıysshylardyń elimizdegi «altyn fond» qataryna qosylýda.
Osyndaı pikirlester komandasymen, jarqyn, oıyn-saýyq zııatkerlik oıyn sııaqty pikirsaıystar bizdiń jastarymyzdyń synı oılaýyn, toleranttylyǵyn, jaýapkershiligin, shyǵarmashylyq jáne synı turǵydan oılaý, daýly jaǵdaılardy dıplomatııalyq jolmen sheshý qabiletin qalyptastyrýdyń qýatty zııatkerlik quraly bola alady.
Sher Raısa Petrovna,
QR BǴM Respýblıkalyq qosymsha bilim berý oqý-ádistemelik ortalyǵynyń dırektory
