Koronavırýs • 20 Sáýir, 2021

Nur-Sultanda 65 myńnan astam adam koronavırýsqa qarsy vaksına aldy

63 ret kórsetildi

Elordada ujymdyq ımmýnıtetti damytý úshin 600 myńnan astam adamdy vaksınalaý josparlanyp otyr. Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov onlaın brıfıng barysynda qala turǵyndaryn koronavırýstyq ınfeksııaǵa qarsy vaksınasııalaý naýqany qalaı júrgizilip jatqany týraly túsindirip ótti, dep habarlaıdy Egemen.kz elorda ákimdiginiń resmı saıtyna silteme jasap.

«Ujymdyq ımmýnıtetti qalyptastyrý úshin 600 myńnan astam adamdy, ıaǵnı jas shekteýi men medısınalyq kórsetkishterin eskere otyryp nemese qala turǵyndarynyń keminde 60%-yn vaksınalaý josparlanyp otyr. Búgingi tańda elordada 65 myńnan astam adam koronavırýstyq ınfeksııaǵa qarsy vaksına aldy. Olardyń qatarynda medısına qyzmetkerleri, pedagogtar, kúsh qurylymdarynyń, dıplomatııalyq qyzmetterdiń mamandary jáne sozylmaly aýrýlary bar adamdar, sol sııaqty tilek bildirgen azamattar bar. Vaksınadan keıin asqynýlar tirkelgen joq», dedi T. Muratov.

Ol sondaı-aq halyqty vaksınalaýmen keńinen qamtý úshin qala ákimi Altaı Kólginovtiń tapsyrmasy boıynsha egý pýnktteriniń sany 36-dan 100-ge deıin artqanyn, AMSK uıymdarynda jumys ýaqyty 08:00-den 24:00-ge deıin, oıyn-saýyq ortalyqtarynda 10:00-den 22:00-ge deıin jumys ýaqyty uzartylǵanyn aıtyp ótti. Sondaı-aq qalanyń eki iri «Mega Silk Way» jáne «Han Shatyr» SOO-larynda egý aımaqtary uıymdastyryldy.

Bir apta ishinde «Mega Silk Way» 1 800-den astam adamǵa koronavırýsqa qarsy ekpe saldy. Jaqyn arada mundaı pýnktter «Kerýen» saýda-oıyn saýyq ortalyǵy men men «Abý-Dabı Plaza» kesheninde de ashylady. Qajet bolǵan jaǵdaıda vaksınasııa pýnktteri qalanyń qonaq úılerinde de ashylmaq.

Halyqtyń COVID-19-ǵa qarsy vaksına alý belsendiliginiń joǵary bolýyna baılanysty Qoǵamdyq densaýlyq saqtaý basqarmasy jyljymaly brıgadalar uıymdastyryp, eńbek ujymdaryn jappaı vaksınalaýǵa kiristi. Ártúrli kásiporyndarda COVID-19-ǵa qarsy vaksına alǵysy keletinderdiń sany 1000 adamǵa jetedi.

«Qazirgi ýaqytta koronavırýstyq ınfeksııamen kúrestiń mańyzdy kezeńi – halyqty vaksınalaý. Vaksınasııa kúshti profılaktıkalyq shara bolyp sanalady jáne ony qoldanýdyń paıdasy aýrýdyń yqtımal qaýipterinen edáýir asyp túsedi», dep atap ótti spıker.

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar