Almatydaǵy Ortalyq stadıonda «Qaırat» pen «Tobyl» kúsh synasty. Báseke barysynda birde qonaqtar, endi birde alań ıeleri alǵa shyqty. Biraq eki retinde de esep teńesti. Qostanaılyqtar qataryndaǵy Azat Nurǵalıev pen Nemanıa Nıkolıch gol soqsa, almatylyqtar arasynan eki retinde de Jose Konte mergendik tanytty. Negizi bul match «Qaırattyń» paıdasyna sheshilýge tıis edi. Alaıda 82-mınýtta Kamo Oganesıan alańnan qýylyp, Alekseı Shpılevskııdiń shákirtteriniń jaǵdaıy qıyndaı tústi. Ol azdaı, Nuráli Álip 11 metrlik núkteden múlt ketti. 21 jastaǵy qorǵaýshynyń baǵyttaǵan dobyn Aleksandr Mokın keri qaıtardy.
Taldyqorǵanǵa sapar shekken «Ordabasy» jergilikti «Jetisýdi» 4:0 esebimen oısyrata utty. Birinshi taımda Aleksandr Sımchevıch esep ashsa, úzilisten keıin Elhan Astanov, Joao Paýlo jáne Mırzad Mehanovıch mergendik tanytty.
«Aqtóbe» men «Shahter» arasyndaǵy kezdesýde de iri esep tirkeldi. Bul joly da qonaqtardyń mysy basym boldy – 0:3. «Turan» men «Kaspıı» arasyndaǵy kezdesýde jeńimpaz anyqtalǵan joq – 2:2.
Esterińizge sala keteıik, jeksenbi kúni ótken kezdesýler mynadaı nátıjelermen aıaqtalǵan edi: «Astana» – «Qyzyl-Jar» 3:1, «Taraz» – «Aqjaıyq» 1:0 jáne «Qaısar» men «Atyraý» – 1:1.
Altynshy týrdan keıin «Astana» men «Taraz» kósh bastap tur. Qos komandanyń da qorjynynda 14 upaı bar. Úshinshi jáne tórtinshi oryndarda – «Qaırat» pen «Tobyl». Olar 12 upaıdan enshiledi.
