Aqtaýdaǵy Kaspıı ıtbalyǵyn zertteý jáne ońaltý ortalyǵyna 29 naýryzda saǵat 10.00-de jergilikti turǵyndardan Baýtıno kentinde teńiz jaǵasynda ıtbalyq tabylǵany týraly qońyraý túsken. Turǵyndardyń aıtýynsha, ıtbalyq jaǵada eki kúndeı jatyp qalǵan. Budan soń atalǵan ortalyq mamandary ıtbalyq tabylǵan jerge baryp, oǵan alǵashqy veterınarııalyq kómek kórsetken.
«Alǵashynda ıtbalyqtyń jaǵdaıy qıyn boldy. Ol óte álsiz ári qozǵalyssyz jatty. Sol kúni ony ortalyqqa jetkizdik. Bozdaqtyń jasy-bir aı, dene salmaǵy-4,4 keli. Ol bul jasta 10-12 keli tartýy kerek», delingen habarlamada.
Bozdaq Aqtaý qalasyndaǵy Kaspıı ıtbalyǵyn zertteý jáne ońaltý ortalyǵynda eki aptadaı bolǵan. Ortalyqqa túsken kezde álsiz, salmaǵy 4,4 keli ǵana bolsa, qazir 7 kelige deıin jetken.
«Bozdaqtyń tábeti jaqsy, óte epti, ol óz kúshimen taǵam jeı bastady. Ektoparazıtterden tazartý prosedýrasyn ótkizdik», delingen habarlamada.
