Aımaqtar • 21 Sáýir, 2021

Qordaı aýdanynyń Masanshy aýylynda tehnıka 60-70 paıyzǵa jańarǵan

27 ret kórsetildi

Qordaı aýdanynda uıymdastyrylǵan baspasóz týry aıasynda buqaralyq aqparat quraldarynyń ókilderi Masanshy aýylynda bolyp, kóktemgi egis dala jumystarymen tanysty, dep habarlaıdy Egemen.kz

Negizinen Masanshy aýylyn dúngen ultynyń ókilderi mekendeıdi. Ári aýyl shaoýashylyqpen aınalysýǵa da qolaıly. Aýdandyq aýylsharýashylyǵy bóliminiń basshysy Ádilet Qaspaqbaevtyń aıtýynsha, búginde jergilikti sharýalar kóktemgi egis dala jumystaryn bastap ketken. Sonymen qatar, egistik alqaptarǵa mıneraldy tyńaıtqyshtar bólinip, aýyldaǵy aýylsharýashylyq tehnıkalary 60-70 paıyzǵa jańarǵan.

«Memleket qoldaýynyń nátıjesinde, ótken jyly lızıngke 158 tehnıka satyp alyndy. Al, aǵymdaǵy jyldyń birinshi toqsanynda 51 tehnıka alyndy. Sondaı-aq, memleket tarapynan egis dalasyna arzandatylǵan dızel otyny bólinip otyr», deıdi ol.

Búginde Masanshy aýylynda 40-tan astam sharýa sharýashylyqpen aınalysady eken. Násibin qara jerden tergen jergilikti halyq jyl saıyn egis kólemin arttyryp, ónim kólemin ulǵaıtýdy josparlap keledi. Olar sábiz, pııaz sııaqty kókónis túrlerin egedi. Jalpy, atalǵan aýylda aýylsharýashylyǵy salasy aıtarlyqtaı damyǵan deýge bolady. Máselen, aýdan boıynsha bıyl 134 myńnan astam egistik jerge egin egý josparlanǵan. Bul ótken jylmen salystyrǵanda 14 myń 98 gektarǵa artyq. Aldaǵy ýaqyttarda bul jumys taǵy jalǵasady. Al, aýyl turǵyny, «Shenho» sharýa qojalyǵynyń tóraǵasy Ýdjýr Kerım búginde 200-den astam otbasyn jumyspen qamtyp otyr. Qojalyqqa tıesili 15 tehnıkamen sharýalar kún saıyn egis dalasynda jumys isteýde. Sonymen qatar, aýyl turǵyny Sheba Hımmanov aýyl ishinen 20 sotyq jerge qyzanaq, qııar, sarymsaq sııaqty kókónister egip keledi. Sharýa bıylǵy jyldyń ózinde úsh ret ónim alǵanyn aıtady. Jalpy alǵanda, Masanshy aýylyndaǵy aýylsharýashylyq salasy oıdaǵydaı damyp keledi.

 

Jambyl oblysy,
Qordaı aýdany.

Sońǵy jańalyqtar

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

Tarıhı shyndyqty moıyndaǵan jazba

Tarıh • Búgin, 07:35

«Tumardyń» jeńimpazdary anyqtaldy

Oqıǵa • Búgin, 07:33

О́zekti máselelerge nazar aýdaryldy

Parlament • Búgin, 07:26

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar