Ǵylym • 21 Sáýir, 2021

Shyǵys Qazaqstanda ǵylymnyń 8 baǵyty qamtyldy

6492 ret kórsetildi

XXI ǵasyr – bilim men ǵylymnyń ǵasyry. Shyǵysta ǵylymǵa den qoıyp, tyń jobalardy qolǵa alǵan jastar joq emes. Olar úshin joǵary oqý oryndary barynsha múmkindik jasap otyr, dep habarlaıdy Egemen.kz

Jýyqta «Jastar shyǵarmashylyǵy - Qazaqstannyń ınnovasııalyq damýy» atty stýdentter, magıstranttar men jas ǵalymdardyń VII halyqaralyq ǵylymı-tehnıkalyq konferensııasy ótken.

Konferensııa Ǵylymı zertteýlerdiń 8 baǵytyn qamtydy. Olar; qurylys jáne arhıtektýradaǵy ınnovasııa, mashına jasaý, transport jáne agroónerkásip salasyndaǵy ınnovasııa, taý-ken metallýrgııa salasyndaǵy kókeıkesti máseleler, ekonomıkany basqarý máseleleri, qoǵamnyń ınnovasııalyq damýy, bilim, ǵylym jáne tehnıkadaǵy aqparattyq-kommýnıkasııalyq tehnologııalar, energetıka, energııa únemdeý jáne materıaltaný, ınnovasııalyq prosesterdiń damytýdaǵy áleýmettik-gýmanıtarlyq ǵylymdar men shet tilderiniń róli, áskerı ǵylym jáne dene shynyqtyrý.

Sharaǵa elimizdiń 19 ýnıversıteti men ǴZI jas zertteýshileri, TMD elderiniń 2 ýnıversıteti qatysty. Stýdentter, magıstranttar men aspıranttar ınnovasııalyq ıdeıalarmen almasty.

Sonymen qatar, Ǵylym aptalyǵy kezinde ýnıversıtettiń barlyq derlik mektepteri túrli konkýrs uıymdastyryp, jeńimpazdardy anyqtady. Máselen, Jer jáne qorshaǵan orta týraly ǵylymdar mektebi «Men bolashaq kenshimin» atty esse konkýrsyn uıymdastyrdy. Aqparattyq tehnologııalar jáne zııatkerlik júıeler mektebi «Svoıa ıgra» zııatkerlik oıynyn ótkizdi. Sáýlet, qurylys jáne dızaın mektebiniń stýdentteri «BIM-jobalaý-qurylystyń bolashaǵy» sheberlik-synybyna qatysyp, maǵlumat aldy.

«Jastar shyǵarmashylyǵy – Qazaqstannyń ınnovasııalyq damýy» atty VII Halyqaralyq ǵylymı-tehnıkalyq konferensııa qorytyndysy boıynsha, úzdik jumys avtorlary alǵys hattarme marapattaldy.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar