Qazaqstan • 21 Sáýir, 2021

Elimizde 2 607 jańa basqarý nysany quryldy

13 ret kórsetildi

Bul múlik ıeleriniń 962 birlestigi jáne 1 645 jaı seriktestik. Olardyń basym bóligi Nur-Sultan jáne Almaty qalalarynda, al aýtsaıderler qatarynda BQO, Jambyl jáne Qyzylorda oblystary bar, dep habarlaıdy Egemen.kz

«Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasynyń orynbasary Nurbek Serikov ortalyq kommýnıkasııalar qyzmetinde ótken brıfıng barysynda kóppáterli turǵyn úılerdi basqarýdyń jańa tetikteri týraly baıandady.

«Basqarýdyń jańa formalary «bir úı – bir birlestik – bir esepshot» prınsıpi boıynsha jumys isteıdi. Árbir MIB óziniń aǵymdaǵy jáne jınaq shotyn ashady. Osylaısha, bul prınsıp ár úıdi jeke basqarýǵa múmkindik beredi. Bul rette PIK, páter ıeleriniń tutyný kooperatıvteri, turǵyn emes úı-jaılar, tutyný kooperatıvteri 2022 jylǵy 1 shildege deıin jumystaryn jalǵastyratynyn atap ótkim keledi. Qyzmet etý merzimi aıaqtalǵannan keıin olar akt boıynsha kóp páterli turǵyn úıdiń keńesine barlyq tehnıkalyq, qarjylyq jáne ózge de qujattardy berip, zańnamada belgilengen tártippen taratylýy tıis»,  dep atap ótti spıker.

MIB nemese JS qurý prosedýrasy Zańda jáne normatıvtik quqyqtyq qujattarda qarastyrylǵan. Eń bastysy, páterlerdiń, turǵyn emes úı-jaılardyń ıeleri belsendi bolyp, jınalys uıymdastyryp, MIB nemese JS qurý týraly sheshim qabyldaýy kerek.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar