Qoǵam • 21 Sáýir, 2021

Nur-Sultanda áleýmettik az qamtylǵan toptarǵa qandaı kómek kórsetiledi?

15 ret kórsetildi

Elordada halyqtyń áleýmettik osal toptaryn memlekettik qoldaý sharalary jaıly Jumyspen qamtý jáne áleýmettik qorǵaý basqarmasy basshysynyń orynbasary Baqtııar Ǵarıfýllın túsindirip ótti, dep habarlaıdy Egemen.kz Nur-Sultan ákimdiginiń resmı saıtyna silteme jasap.

Búginde elordalyq Jumyspen qamtý jáne áleýmettik qorǵaý basqarmasy 19 memlekettik qyzmet túrin kórsetedi. Jyl saıyn elordada 160 myńnan astam azamat áleýmettik qoldaýmen qamtylady. Olardyń qatarynda jasy boıynsha zeınetkerler, Uly Otan soǵysynyń ardagerleri, múgedek balalar, kópbalaly otbasylar, Altyn alqa jáne Kúmis alqa alǵan analar, sondaı-aq áleýmettik az qamtylǵan azamattar bar.

«Merekelik jáne ataýly kúnderi birjolǵy aqshalaı tólem túrinde áleýmettik kómek kórsetiledi. Kómektiń bul túrin shamamen 140 myń qala turǵyny alady. 120 myńnan astam adam jergilikti organdardyń sheshimi boıynsha tegin qyzmet alady. Naqtyraq aıtqanda áleýmettik kómek, joǵary oqý oryndarynyń oqý aqysyn tóleý, qatty otyn satyp alýǵa, gazdandyrýdy qosýǵa áleýmettik kómek, aýyz qýysyn protez aldy tegin sanasııalaý jáne tis protezdeý. 19-23 sáýir aralyǵynda jasy boıynsha zeınetkerlerdi, múgedektigi bar adamdardy, AÁK alýshylar qataryndaǵy kópbalaly otbasylardy jáne osy qyzmetti alý úshin erekshe qajettilikteri bar balalardy tárbıelep otyrǵan ata-analardy tirkeý júrgiziledi», dedi B. Ǵarıfýllın.

Tis protezdeýge myna telefon nómirleri boıynsha jazylýǵa bolady: Almaty aýdany – 37 03 92, Baıqońyr aýdany – 38 22 45, Esil aýdany – 31 32 08, Saryarqa aýdany – 39 79 49.

Sonymen qatar ana men balany áleýmettik qoldaýǵa erekshe kóńil bólinedi. Elordada 25 myńǵa jýyq kópbalaly otbasy turady, onyń 19 myńy — tórt jáne odan da kóp kámeletke tolmaǵan balalary bar otbasylar. Bes myń ana Altyn alqa jáne Kúmis alqalarmen marapattaldy.

Spıker 2020 jyldan bastap kópbalaly analardy qoldaý maqsatynda kópbalaly otbasylar boıynsha arnaıy memlekettik járdemaqy engizilgenin eske saldy. Búgingi tańda elordada kómektiń bul túrin 19 myńnan astam otbasy alady. Sondaı-aq olar qoǵamdyq kólikterde tegin júrý, mektep ashanalarynda tamaqtaný, jazǵy lagerlerde demalý, tis protezdeý, qatty otyn úshin ótemaqy alady.

Búgingi tańda Nur-Sultanda AÁK-ti 3700-den astam otbasy alady. Bul otbasylarda 17 myńnan astam adam bar.

«1 naýryzdan bastap elektrondyq úkimet portalynda pılottyq rejımde onlaın formatta AÁK alý qyzmeti iske qosyldy. 1 sáýirden bastap kómektiń bul túrine úsh myńnan astam ótinish tústi. Búgingi tańda 1 500 otbasyǵa taǵaıyndaldy. Sondaı-aq 2020 jyldyń 1 sáýirinen bastap engizilgen kepildendirilgen áleýmettik paket sııaqty áleýmettik qoldaý sharasy qarastyrylǵan. Búgingi kúni kómektiń bul túri AÁK alatyn otbasylar qataryndaǵy 1 jastan 6 jasqa deıingi balalarǵa kórsetiledi. Qazir 6 myńnan astam paket berildi – bul 3 750 otbasy», dedi basqarma basshysynyń orynbasary.

Ol sondaı-aq múgedek adamdardy áleýmettik qorǵaý máselesin túsindirip berdi. Qazirgi ýaqytta elordada múmkindigi shekteýli 28 myńnan astam adam turady.

Múgedek adamdarǵa kórsetiletin ońaltý qyzmetterin alty myńnan astam adam alady.

«2020 jyldan bastap múgedek adamdar úshin áleýmettik qyzmetter portaly iske qosyldy. Ońaltý quraldaryn ózderi tańdaıdy, jeke ońaltý baǵdarlamasyna sáıkes qajetti qyzmetterge tapsyrys beredi. Al olardyń bári úıine jetkiziledi. Bul óte yńǵaıly. Barlyǵy 12 myńǵa jýyq qyzmetke tapsyrys berildi, qalada 18 ózine-ózi qyzmet kórsetý aımaǵy bar, onda úıde kompıýteri joq tulǵalar ESQ arqyly qajetti qyzmetke tapsyrys bere alady», dep túsindirdi B. Ǵarıfýllın.

Búginde elordada múmkindigi shekteýli jandar úshin 2 zamanaýı sport kesheni – paralımpıadalyq jattyǵý ortalyǵy jáne «Tarlan» muz aıdyny jumys isteıdi.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar