Qoǵam • 21 Sáýir, 2021

BJZQ: Qansha adam emdele alady?

728 ret kórsetildi

BJZQ málimetinshe, azamattardan búginde zeınetaqy jınaqtaryn medısınalyq qyzmetterge paıdalanýǵa qatysty 5 518 ótinish túsken, dep habarlaıdy Egemen.kz

Onyń ishinde 1 448 adamǵa jınaǵyn emdelýge berýden bas tartty, 3 904 ótinish ıesine ǵana óz jınaǵy esebinen emdelý múmkindigi berildi. Olarǵa «Otbasy bankindegi» arnaıy esepshotyna nebári 3 mlrd 757 mln teńge aýdaryldy.

Demek, bir adamǵa  962 myń teńgeden ǵana keledi. Taǵy 166 ótinish áli kúnge deıin «óńdeýde» jatyr.. Eń kóp ótinish Almaty qalasynan (1 099), Nur-Sultan qalasynan (910), sondaı-aq Qaraǵandy (442) jáne Atyraý (431) oblystarynan kelip túsken.

Densaýlyq saqtaý mınıstrliginiń Medısınalyq kómekti uıymdastyrý departamenti bala týǵan analar tarapynan suranys joǵary bolsa, qaǵıdalardaǵy tizimge muny da qosýǵa daıyn ekenderin aıtqan bolatyn. Ázirge, oǵan kelisim joq. Tek operasııadan qalǵan tyrtyqtardan arylý boıynsha plastıkalyq operasııalardy BJZQ salymy esebinen tegin jasatýǵa bolady.

Qazaqstan aýmaǵynda ornalasqan medısınalyq uıymdarda kórsetiletin stomatologııalyq qyzmetter (tisterdi protezdeý, ımplanttaý), úshinshiden, operasııadan keıingi tyrtyqtar men týa bitken aqaýlardy, sondaı-aq júrgizilgen mastektomııadan keıingi túzetý maqsatynda rekonstrýktıvtik jáne qalpyna keltirý jáne plastıkalyq operasııalar kiredi. Tizbege sonymen qatar, tórtinshiden, radıonýklıdtik jáne radıoıodterapııa, besinshiden, radıohırýrgııalyq emdeý (gamma-pyshaq, kıberpyshaq), altynshydan, proton terapııasy, jetinshiden, oftalmologııalyq qyzmetter (múıizdi kollagenniń krosslınkıngi, kózdi lazerlik túzetý) qosylyp otyr.

«Bul tizbe halyqtyń suranysyn esepke ala otyryp, ary qaraı ózgerýi múmkin», dedi Medısınalyq kómekti uıymdastyrý departamenti. Sarapshylar kósh júre túzeledi dep úmittenip otyr.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar