«Bul rette, aımaqtyń ereksheligin eskerip, eńbek ujymdaryndaǵy ahýalǵa aıryqsha nazar aýdarý kerek. Oblys kásiporyndarynda apta saıyn indet oshaǵy paıda bolýda. Oblys ákimine iri óndiristik kásiporyn basshylarymen birlesip, indettiń aldyn-alý jáne onymen kúres sharalaryn ýaqtyly qabyldaýdy tapsyramyn. Vahtalyq tásilmen isteıtin jumysshylardyń densaýlyǵyn muqııat qadaǵalaý qajet», deıdi Memleket basshysy.
Sonymen qatar Qasym-Jomart Toqaevtyń aıtýynsha, indettiń jańa tolqyny kelgennen beri jaǵdaıy aýyr jáne óte aýyr naýqastar kóbeıýde.
«Olardyń sany sońǵy bir aıda eki esege artty. Al, emdeý mekemelerinde qajetti dári-dármek pen qural jabdyqtar áli de jetkiliksiz ekeni anyqtalyp otyr. Bul ahýal adam óliminiń kúrt ósýine ákep soqtyrýy múmkin», deıdi Prezıdent.
