Aımaqtar • 22 Sáýir, 2021

Eraly Toǵjanov Qordaıdaǵy bıofarmasevtıka zaýytynyń qurylysymen tanysty

25 ret kórsetildi

О́tken jyly Memleket basshysy Qasym-Jomart Toqaev otandyq vaksınany jasaý boıynsha naqty tapsyrmalar bergen bolatyn. Prezıdent tapsyrmasyna sáıkes, Qazaqstan Respýblıkasy Premer-Mınıstriniń orynbasary Eraly Toǵjanov Jambyl oblysynyń Qordaı aýdanyna keldi.

О́ńirge jumys sapary barysynda Úkimet basshysynyń orynbasary Bıologııalyq qaýipsizdik problemalary ǵylymı-zertteý ınstıtýtynyń bazasynda óndirilgen «QazVac» (QazCovid-in) qazaqstandyq vaksınasynyń birinshi partııasynyń jóneltilýine qatysty. Sonymen qatar, Qordaı aýdany Gvardeıskıı kentindegi bıofarmasevtıka zaýytynyń jumysymen tanysty.

«Qazaqstandyq vaksınanyń jasalýy – bizdiń elimizdiń koronavırýs ınfeksııasyna qarsy óz vaksınalaryn ázirlegen álemniń bes eliniń qataryna enýine múmkindik berdi. Bul tek halyqtyń densaýlyǵyna ǵana qatysty másele emes. Sondaı-aq, otandyq ǵylymnyń áleýeti men bıofarmasevtıkada zamanaýı tehnologııalardy is júzinde qoldanýdyń, memlekettiń bedeliniń dáleli», dedi Eraly Toǵjanov. Sonymen qatar, vıse-premer Memleket basshysy Qasym-Jomart Toqaevtyń qazaqstandyq vaksınany shyǵarý jónindegi barlyq tapsyrmalary Úkimettiń erekshe baqylaýynda ekenin jáne vaksınanyń birinshi partııasynyń búgingi shyǵarylýy olardyń is júzinde oryndalǵanyn aıǵaqtaıtynyn atap ótti.

d

Kezdesýde «QazVac» vaksınasynyń alǵashqy 50 myń dozasy «SQ-Farmasııa» jaýapkershiligi shekteýli seriktestiginiń habtaryna taratylyp, odan ári elimizdiń barlyq óńirlerindegi densaýlyq saqtaý basqarmalarynyń qoımalaryna jetkiziletini de aıtyldy.

2021 jylǵy 26 sáýirde halyqty «QazVac» vaksınasymen vaksınasııalaý bastalady. Al, aldaǵy mamyr aıynda 50 myń doza kólemindegi vaksınanyń kezekti partııasyn shyǵarý josparlanýda eken. Budan ári vaksına óndirisi kezeń-kezeńimen aıyna 500-600 myń dozaǵa deıin ulǵaıtylatyn bolady. Otandyq vaksına Dúnıejúzilik densaýlyq saqtaý uıymynyń tizilimine de engizilgen. Onyń tolyq qaýipsizdigi dáleldengen. Atalǵan vaksına koronavırýs ınfeksııasyna qarsy turaqty ımmýnıtetti qalyptastyrady. Inaktıvtendirilgen vaksınanyń artyqshylyǵy – ol vaksınamen baılanysty aýrýlardy týdyrmaıdy. Budan bólek, «QazVac» vaksınasyn jetkizý ádisteri kúrdeli tońazytqysh qondyrǵylaryn talap etpeıdi. Olar tońazytqyshta +2-8 gradýs temperatýrada tasymaldanady.

Búginde Bıologııalyq qaýipsizdik problemalary ǵylymı-zertteý ınstıtýty janyndaǵy bıofarmasevtıka zaýytynda qurylys-jóndeý jáne árleý jumystary aıaqtalǵan. Injenerlik jelilerge qosý arqyly jabdyqtardy montajdaý, qosý-baptaý jáne iske qosý boıynsha jumystar júrgizilýde. Bıylǵy jylǵy naýryz aıynda zertteýdiń GMP standarttaryna sáıkestigi týraly oń qorytyndysy (DQ) alynǵan. Kelesi qadam – ​​​​valıdasııany júzege asyrý jáne GMP halyqaralyq standartynyń sertıfıkatyn alý bolyp otyr. Bul maqsatqa «Atabaı» túrik kompanııasy tartylǵan. Atalǵan nysandy aralaǵan Eraly Toǵjanov nysan jumysyna oń baǵa berip, Memleket basshysynyń tapsyrmasyna sáıkes otandyq vaksına óndiretin zaýyt qurylysy belgilengen merzimde júrgizilip jatqanyn atap ótti. Sonymen qatar, bıofarmasevtıka zaýyty bıyl iske qosylǵannan keıin onyń bazasynda «QazVac» vaksınasyn óndirý jalǵasatyny da aıtyldy.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar