Rýhanııat • 22 Sáýir, 2021

«Iаsaýı izimen» ekspedısııasynyń kókjıegi keńeıedi

199 ret kórsetildi

Mádenıet jáne sport mınıstrligi «Áziret Sultan» memlekettik tarıhı-mádenı qoryq-mýzeıi uıymdastyrǵan «Iаsaýı izimen» ǵylymı-tanymdyq ekspedısııasy Túrki elderine ortaq jobaǵa aınalatyn boldy.

Osy oraıda, Túrkııa Respýblıkasy Úkimeti janyndaǵy Túrik yntymaqtastyq jáne úılestirý agenttiginiń (TIKA) Qazaqstandaǵy koordınatory Ismaıl Gıýrlek myrza «Iаsaýı izimen» ǵylymı-tanymdyq jobasymen tereńirek tanysý maqsatynda Túrkistan qalasyna arnaıy issaparmen kelip, qoryq-mýzeı basshylyǵymen kezdesti. Sondaı-aq sapar barysynda elshi myrza Qoja Ahmet Iаsaýıdiń zamandasy Júsip atanyń urpaǵy Seıdálim Iýldashev aqsaqaldyń qolyndaǵy tarıhı qoljazbalarmen tanysty.

«Uly ustaz Qoja Ahmet Iаsaýı tarıhyn túgendep, derekterin izdeý maqsatynda «Áziret Sultan» memlekettik tarıhı-mádenı qoryq-mýzeıi jasap jatqan jumystar túrki elderiniń ortaq qýanyshyna aınaldy deýge bolady. Túrkııa eliniń telearnalarynda «Iаsaýı izimen» jobasy nátıjesinde tabylǵan shejireler men tarıhı muralar jaıly kórsetilgen habarlar elde erekshe qozǵalys týdyrdy. Atalǵan joba ári qaraı aýqymdy túrde júzege asýyna qoldaý kórsetý úshin biz óz usynysymyzdy bildiremiz. Jobaǵa atsalysý bizdiń de paryzymyz», dedi Ismaıl Gıýrlek myrza.

Sonymen qatar bolashaqta Túrik yntymaqtastyq jáne úılestirý agenttigi jańadan tabylyp jatqan shejirelerdiń túpnusqasyn tolyqtaı aýdarýǵa, keıbir jádigerlerdi restavrasııalap, zamanaýı úlgide elektrondy kitap etip shyǵarýǵa qoldaý kórsetpek.

Kezdesý barysynda «Iаsaýı izimen» jobasynyń jumysyn arttyrýǵa baǵyttalǵan is-áreketti úılestirý, ǵylymı joba aıasynda anyqtalǵan, tabylǵan tarıhı qundy materıaldardy nasıhattaý, túrki dúnıesine keńinen taratýdy damytý perspektıvalary qarastyryldy.

Osy maqsatta, aldaǵy jyldary atqarylýy tıis jumys jospary belgilendi. Atap aıtsaq, bolashaqta – Iаsaýı esimimen baılanysty dinı jáne tarıhı-eskertkishterdi nasıhattaý, birlesken ekskýrsııalyq marshrýttar qurý, qos tarap óz quzyreti sheginde týrıstik ımıdjdi qalyptastyrý, mýzeı salasy mamandarynyń tájirıbe almasýyna jáne kásibı biliktiligin arttyrýyna baǵyttalǵan is-sharalarǵa qoldaý kórsetý, tarıhı-mádenı qarym-qatynasty nyǵaıtý syndy kóptegen másele qarastyrylǵan.

Túrik baýyrlar eki kúnge sozylǵan resmı sapar barysynda Qoja Ahmet Iаsaýı kesenesine zııarat etip, ortaǵasyrlyq Saýran qalashyǵy men Úkasha ata kesenesi jáne qudyǵymen tanysty.

Sońǵy jańalyqtar

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

«Tumardyń» jeńimpazdary anyqtaldy

Oqıǵa • Búgin, 07:33

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar