Saıasat • 23 Sáýir, 2021

Bastamalardy qoldaý alańy

15 ret kórsetildi

Elordada «Memleket, bıznes jáne KEU: turaqty damý jolyndaǵy birlik pen áriptestiktiń 30 jyly» taqyrybynda áleýmettik jobalar forýmy jumysyn bastady. Forýmnyń ashylýyna Memlekettik hatshy Qyrymbek Kósherbaev qatysty. Jıyn aıasynda eki kún kóleminde elimizdegi azamattyq qoǵam máseleleri talqylanbaq.

Nursultan Nazarbaev qory uıym­das­tyrǵan onlaın-konferensııaǵa qazaqstandyq jáne halyqaralyq tanymal spıkerler, kommersııalyq emes uıymdardyń (KEU) ókilderi, memleket jáne qoǵam qaıratkerleri, kásip­kerler men mesenattar, áıgili brend-kóshbasshylar jáne BAQ ókilderi qatysyp jatyr.

Is-sharany ótkizýge Azamattyq bas­­ta­­ma­lardy qoldaý ortalyǵy KEU aı­­maq­­tyq qoldaý kórsetti. Al forým­nyń bas seriktesi – Eurasian Resources Group.

Nursultan Nazarbaev qory atalǵan is-shara arqyly qoǵamdyq mańyzy bar ózekti máselelerdi talqylaý maqsa­tynda ártúrli baǵyttaǵy uıymdardy birik­­tirýge, memleket pen KEU ynty­maq­tastyǵyn nyǵaıtýǵa yqpal etýdi maqsat tutady.

Forýmnyń birinshi kúninde Nur­sultan Nazarbaev qorynyń dırektory Darıǵa Nazarbaeva, BUU Damý baǵdarlamasynyń Qazaqstandaǵy Turaqty ókili Iаkýp Berısh, Mohammed Bın Rashıd ál-Maktýma bilim qorynyń basqarma tóraǵasy Djamal Bın Hý­vaıreb, Eurasian Resources Group (ERG) Dırektorlar keńesiniń tóraǵasy Aleksandr Mashkevıch jáne basqa spıkerler qatysty.

Forým sessııalary aıasynda mem­le­­kettik organdar men basqa da uıym­­dar­­dyń ekonomıka, áleýmettik qorǵaý, den­saýlyq saqtaý, bilim berý sala­lar­ynda ózara is-áreketterdiń mańyzdy baǵyttary talqylandy. Jyl sa­ıynǵy Áleýmettik ıdeıalar men jo­balar jármeńkesi aıasynda KEU usy­natyn kóptegen jobany talqy­laýǵa erekshe nazar aýdaryldy. Son­daı jármeńkelerdiń biri osy jyly Almaty qalasynda 14-15 sáýirde ótkizildi. Birinshi Áleýmettik jobalar forýmy Áleýmettik ıdeıalar men jobalar jármeńkesiniń jalǵasy retinde uıymdastyrylyp otyr.

Forým spıkerleri Áleýmettik ıdeıa­lar men jobalar jármeńkesi sııaq­­ty alańdardyń mańyzdylyǵy týra­ly aıta kele, mundaı alańdarda bel­sen­­di qazaqstandyqtardyń bastamala­ry naqty qoldaýǵa ıe bolatynyn jet­kizdi.

Forýmdy kirispe sózimen ashqan Darıǵa Nazarbaeva: «Forým el Táýel­­­sizdiginiń 30 jyldyǵy mereıtoıy aıasynda ótip jatyr. Táýel­­siz­­dik jyldary Qazaqstanda turaqty ári qarqyndy damyp jatqan úkimet­tik emes uıymdardyń júıesi qalyp­tas­ty. Qoǵamdy demokratııalandyrý baǵdarlamasy ÚEU júıesin damy­týǵa aıtarlyqtaı serpin berdi. Muny elimizdiń Tuńǵysh Prezıdenti 1998 jylǵy Qazaqstan halqyna Jol­da­ýynda aıtqan bolatyn. Elbasy azamat­tyq qoǵam qurýda ÚEU rólin kúsheıtý – táýelsiz Qazaqstannyń demokratııalanýy men damýynyń basty elementi ekenin ataǵan. Sirá, Qazaqstannyń úshinshi sektorynyń qyzmeti únemi zertteýdi qajet etse kerek. Bul úshin júıeleý, jan-jaqty nasıhattaý men ozyq tájirıbeni qoldaný qajet. Áleýmettik jobalar forýmy ózara tyǵyz qarym-qatynas jasaýdyń turaqty alańy bola alady. Búgingi forým Nursultan Nazarbaev qorynyń áleýmettik ıdeıalar men jobalar jármeńkesiniń jalǵasy ispetti. Qor bul sharany Elbasynyń bastamasymen 2008 jyldan beri ótkizip keledi. Sodan beri jármeńkege 15000-nan astam túrli uıym qatysqan. 303 joba qordyń qoldaýyna ıe bolyp, grant ıelendi», dedi.  

Rasynda da, 2008 jyldan beri ótkizilip kele jatqan jármeńkeniń ár jyly jańa jobalardy júzege asyrýmen qatar keledi. Mysaly, «Drýgaıa jızn» qoǵamdyq qory jármeńkede jeńiske jetip Taldyqorǵan qalasyn­da aýtıst balalarǵa arnalǵan sensor­lyq kómek kabınetin ashty. Al «An­gel» qoǵamdyq birlestigi «Pake­tam net!» ekologııalyq aksııasyn uıym­dastyryp, qorshaǵan ortany polıetılen qapshyqtarmen lastaý máselesin sheshýge Atbasar aýdanyndaǵy 12 000-nan astam turǵynnyń atsalysýyna múmkindik berdi.

Qor dırektorynyń aıtýyn­sha, bıyl usynylǵan jobalardyń sa­ny rekord­tyq deńgeıge jetken – 221. О́tinish­terdiń kóbi Almaty qala­synan (35), Almaty (30), Qostanaı (18), Pavlo­dar (17) jáne Shyǵys Qazaq­stan (16) oblystarynan kelgen. «221 joba­nyń ishinen eń mańyzdy degen 50 joba­ny tańdap alǵan baıqaý komıs­sııasy­nyń jumysy ońaı bolǵan joq. Joba­lardy tańdaǵanda, olar­dyń mańyz­dylyǵy, turaqtylyǵy, áleý­mettik áseri, jańashyldyǵy jáne aqpa­rattyq jaǵynan ashyqtyǵy eskerildi», dedi Darıǵa Nazarbaeva.

23 sáýir, Áleýmettik jobalar fo­rýmynyń ekinshi kúninde Nursultan Nazarbaev qorynyń granty kimge beri­letini málim bolady. Al forým spı­kerleri memleket pen KEU ynty­maq­­tas­tyǵynyń tıimdi mysaldaryn keltire otyryp, osy taraptar arasyn­daǵy ózara is-áreketti ári qaraı da qa­lyp­tastyrý kerektigin atap ótti.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar