Ekonomıka • 23 Sáýir, 2021

Jańa termınal ınvestısııalyq áleýetke serpin beredi

10 ret kórsetildi

Áýejaı men temirjoldyń zaman talabyna saı bolýy kez kelgen iri qalalardyń damýynyń basty kepili. Ásirese, eldegi iri megapolıster úshin irkilissiz kólik logıstıkasy ekonomıkalyq, týrıstik áleýetin de art­tyra túspek. Bul rette úshinshi ortalyq atanǵan Shymkenttiń áýe jáne qur­lyqtyq qaqpalarynyń sapasy syn kótermeıtini barshaǵa belgili.

Osy olqylyqtyń ornyn toltyrý maqsatynda qala ákimdigi el Úkimetine Shymkent áýejaıyn jań­ǵyrtý boıynsha ınvestısııalyq baǵ­­dar­­­lama usynǵan. Nátıjesinde, sha­har­­­da jańa termınaldyń qury­ly­sy bas­talǵan bolatyn. Eldegi je­tek­­­shi əýe kompanııa­larynyń biri qol­­­ǵa al­ǵan aýqymdy jobanyń  ın­ves­­­tı­­­sııa­­l­yq quny – 17,5 mlrd teńge (Jo­­­ba­­­nyń jalpy quny – 18,7 mlrd teńge).

Anyǵynda, tústiktegi týrızmniń qaqpasy atanǵan áýejaıdyń eski  ter­mı­nalynyń jolaýshylardy ót­kizý múm­kindigi tómendegen. Máse­len, 1932 jyl­dyń naýryz aıynda paı­dala­ný­ǵa berilgen áýejaı qyzmetin tutyný­shylar sany 2016 jyly 621 myń jolaýshyǵa jetse, 2017 jyly bul kórsetkish 23 paıyzǵa artqan. Demek, jolaýshylar aınalymy­nyń artýynan jyl ótken saıyn áýe aılaqtyń tynysy taryla túsýde. Endi saǵaty­na 2 myń adamdy ótkizýge qaýqarly jańa nysannyń qurylysy aıaqtalsa, kópshilik kezekte turýdan qutylyp, dittegen jerine ýaqtyly jeter edi.

Búginde jolaýshylar termına­lyn­daǵy qurylys jumys­tarynyń birinshi kezeńi tolyǵymen aıaqtalyp, ekinshi kezeńi qarqyn alýda. Qasbet­tik júıelerdi tolyqtaı montajdaý 2021 jylǵy 15 maýsymǵa jospar­lan­ǵan. Qazirgi tańda biregeı joba qu­ry­lysynyń  60 paıyzy aıaqtaldy.

Byltyr qala ákimdigi 912 mln teń­gege áýejaı ǵımaraty aldyndaǵy av­to­turaqty abattandyrǵan. Al jo­­ba­­lyq quny 1,7 mlrd teńgeni qu­­raı­­tyn jańa kirme joldy salý bo­ıyn­sha jumystar osy jyldyń bi­rin­shi jartysynda  aıaqtalmaq. Bu­dan ózge ınjenerlik jelilerdi salý úshin jobalyq-smetalyq qujattama ázir­lenip, atalǵan jelilerdi tartýǵa osy jyldyń sońyna deıin  ýaqyt berilgen.

Áýejaıda qazir 14 áýe reısi bar bolsa, olardyń sanyn 2030 jylǵa deıin 50-ge ósirý josparlanǵan. Jo­ba­ǵa sáıkes, 3 qabattan turatyn ǵı­ma­rat­­tyń alańy 28 171 sharshy metr bo­lyp, 4 teleskoptyq dálizben qam­ta­ma­­syz etiledi. Osylaısha, 2,8 gektar ­jer­­de burynǵydan 10 esege artyq jolaý­shy­ny ótkize alatyn jańa termınal jyl sońyna deıin paıdalanýǵa berilmek.

Memleket basshysy eldegi kó­lik-logıstıka salasyn damytýǵa baı­la­nysty naqty tapsyrmalar berip, osyǵan sáıkes kóptegen joba ázir­lendi. Qazaqstan logıstıkasynyń sapa­sy jaqsaryp, Dúnıejúzilik bank reı­tınginde úzdik 40 eldiń qatarynan kórinýdi maqsat etip otyr.

Shymkent áýejaıyn jańǵyrtý sol mejege jetýdegi baspaldaq bolyp sanalmaq.

 

ShYMKENT

 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar